tamil tamilveli.com politics cinema blog 2009-04-07

ஜெ.ஜெ. பிக்சர்ஸ் பெருமையுடன் வழங்கும் "இம்சை அரசி"

by T.V.Radhakrishnan

நண்பர் ஒருவர் கூகுள் சர்ச்சில்..ஏதோ தேடும்போது..'இம்சை அரசி" பற்றி ஒரு குறிப்பு இருந்ததையும்..அதற்கு திரைக்கதையில் என் பெயர் இருப்பதையும் பற்றியும் கேட்டார்.அப்போதுதான் இந்த செய்தி பார்த்தேன்.இதை எழுதியவர்க்கு நன்றி.இதில் டோண்டு பெயரும் வந்துள்ளது குறிப்பிடத்தக்கது.

Date: Wednesday, 03 Dec 2008 09:30
தயாரிப்பு: செல்வி ஜெயலலிதா
கூட்டு தயாரிப்பு: தோழி சசிகலா
பட்ஜெட்: எந்திரன் 100 கோடி எல்லாம் ஒரு பட்ஜெட்டா இந்த படத்தில் ஒரு கல்யாண சீனுக்கே பல நூறு கோடிகள் செலவழித்துள்ளார்கள்
கதை: உலகமகா மேதாவி 'சோ'ராமசாமி
திரைக்கதை: மூத்த பதிவர் T.V.Radhakrishnan
இயக்கம்: செல்வி ஜெயலலிதா
வசனம்: வைகோ
மொழிபெயர்ப்பு: டோண்டு ராகவையங்கார்
பாடலகள்: 'மானாட மார்பாட' ஞாநி
வில்லன்: சுதாகரன்
வில்லி: சந்திரலேகா
அறிமுக வில்லன்: சங்கராச்சாரியார்
காமெடி: சுப்பிரமணிய சுவாமி
சண்டை பயிற்சி: வால்டர் தேவாரம்
உதவி இயக்குநர்கள்:
மதுசூதனன் ராமானுஜம்
வீ தெ பீப்பிள்
மாயவரத்து 'ஜெ' அடிவருடி மற்றும் பல பதிவுலக மேதாவிகள்

கதைச் சுருக்கம்: இது ஒரு முழு நீள நகைச்சுவை திரைப்படம். 'சோ'ராமசாமியும் டீமில் இருப்பதால் காமெடிக்கு பஞ்சமே கிடையாது. மதமாற்ற தடைச் சட்டம் பின்னர் வாபஸ், அரசு ஊழியர்கள் பணி நீக்கம் பின்னர் வாபஸ் போன்று ரசிகர்களின் வயிற்றை பதம் பார்க்கும் நகைச்சுவை காட்சிகள் ஏராளம்

பாடல் காட்சிகள்களுக்கு வெளிநாடு செல்லாமல் உள்ளூர் கொடாநாட்டிலேயே படம் பிடித்து இருப்பது மிகப் பெரிய ஆறுதல்

கிளைமாக்ஸ் சண்டைக் காட்சியில் ஒரு பேரூந்தை தீ வைப்பது போன்ற மயிர் கூசச் செய்யும் காட்சிகளும் உண்டு

பின் குறிப்பு: சிங்கப்பூர் விநியோகஸ்தருக்கு ஒரு நல்ல ஆளாக தேடிக் கொண்டு இருப்பதாக கேள்வி. ஆர்வம் இருப்பவர்கள் விண்ணப்பிக்கவும்

இலங்கை விடயம் குறித்து ஹிலாரி கிளிண்டன் நோர்வே வெளியுறவு அமைச்சருடன் ஆலோசனை

by Thakavalgal

இலங்கையில் ஏற்பட்டுள்ள மிகப் பெரிய மனிதாபிமான பிரச்சினை குறித்து நோர்வே வெளியுறவு அமைச்சர் ஜோனஸ் கார் ஸ்டோருடன், அமெரிக்க வெளியுறவு அமைச்சர் ஹிலாரி கிளிண்டன் கலந்துரையாடியுள்ளார்.
இந்தச் சந்திப்புக்குப் பின்னர் இருவரும் இணைந்து ஊடகவியலாளர்களைச் சந்தித்தனர். இதன்போது ஹிலாரி கிளிண்டன் கூறுகையில்,

"எங்களது பேச்சின்போது பல்வேறு விஷயங்கள் விவாதிக்கப்பட்டன.

இலங்கை பிரச்சினை குறித்தும் விவாதித்தோம். இலங்கையில் ஏற்பட்டுள்ள நெருக்கடிக்குத் தீர்வு எட்ட, நோர்வே எடுத்து வரும் அயராத முயற்சிகள் குறித்து கலந்துரையாடினோம். இதுதவிர ஆப்கானிஸ்தான், மத்திய கிழக்கு, புவி தட்பவெப்ப மாற்றம் குறித்தும் விவாதித்தோம்" என தெரிவித்தார். 2002ஆம் ஆண்டு இலங்கை அரசுக்கும், விடுதலைப் புலிகளுக்கும் இடையே போர் நிறுத்த ஒப்பந்தம் ஏற்பட நோர்வே அனுசரணை வழங்கி இருந்தமை குறிப்பிடத்தக்கது.

அழுகிய நிலையில் 14 புலிகளின் உடல்கள் மீட்பு - முல்லைத்தீவு

by Thakavalgal

57வது டிவிசன் படையினர் விஸ்வமடு தாராவிக்குளம் பகுதியில் நேற்று முன்தினம்(ஏப்:05) நடத்திய தேடுதலின் போது அழுகிய நிலையில் 14 புலிகளின் உடல்கள் உட்பட பல படைப் பொருட்களையும் கன்டுபிடித்துள்ளனர்.

இத்தேடுதல் நடவடிக்கை நேற்று முன்தினம் 7.00மணி முதல் 6.00 மணிவரை நடத்தியதாக தெரிவித்த படையினர் 13 ரி-56 ரகதுப்பாக்கிகள்,4 கைக்குண்டுகள்,4 ஆருள் குண்டுகள்,ஒரு கிளேமோர்,ஒரு ஜீபிஎஸ் இயந்திரம் உட்பட பல பொருட்களையும் கைபற்றியுள்ளதாக தெரிவித்தனர்.

நானா மலடி... ?

by ராஜ்குமார் குவைத்

அரச மரம் சுற்றி,நெய் தீபம் ஏற்றி , மண் சோறு உண்று,பல மருத்துவமனைகள் படியேறி பல செய்யல்கள் செய்தும் மனமிரங்காமல் என்னை வஞ்சிக்கும் தெய்வமே ...நீ என்று மனம் இறங்குவாய் ??



தூக்கம் வற்றிய எனது கண்களும்..
கண்ணீரில் நனைந்த என் தலையணையும் எந்த விடியலில் மாறும்..?



நீ சிரிக்கும் போது நானும் சிரித்து..நீ அழும் போது நானும் அழுது உன்னை கையில் ஏந்தி கொஞ்சி மகிழ என்று நான் உன்னை பெறுவேன் என் செல்லமே ???



குரலெடுத்து அழுகின்ற பக்கத்து வீட்டு குழந்தையின் அழு குரல் கேட்கும் போதும் , சிரித்து விளையாடும் ஒலி கேட்கும் போதும் இனம் புரியாத இரக்கமும் மகிழ்வும் தோன்று எனது தன்மைக்கு மலடி என்றொரு மற்றொரு பெயரா?


இருவரில் யாரிடத்தில் குறைகள் இருப்பினும் மலடி என்று பட்டம் பெறுவது பெண்கள் மட்டும் தானே ?


பிச்சை எடுத்து செல்லும் சின்னஞ்சிறு பிள்ளைகளை பெற்று நடு வீதியில் விட்டு சென்றவள் தாயா??


அந்த பிச்சை எடுத்து செல்லும் பிள்ளைகளை கண்டு மனம் வாடும் நான் மலடியா..?



பிள்ளைகளை வளர்க்க வழி இன்றி தெருவில் விடும் பேதைகளை தாயென்று கொண்டாடும் உலகம் என்னை மலடி என்று கூறி மகிழ்வது என்ன நியாயம்?
பெற்றால் மட்டுமே தாயா ?

தாய் என்பவள் கருணை நிறைந்தவள்...இரக்கம கொண்டு தியாகம் செய்பவள்!

கண்களில் தூசு விழுந்தால் கண்கள் கலங்கும்..தாயவள் கண்கள் போன்றவள்!

கலங்கும் போதும்,மகிழ்வின் போதும் குணங்களை வெளிப்படுத்தும் கண்களை போன்றே தாய் அன்பினை வெளிபடுத்துவாள்..

பிள்ளை பெறாவிட்டாலும் நானும் தாய்தான்..!

கண்ணீரில் நனைத்த எனது தலையனை மட்டுமே அறியும் நானும் தாயென்று !

நீங்கள் இப்போது சொல்லுங்கள்...

நானா மலடி... ?

நன்றி வணக்கம் நாங்கள் செத்துப்போகிறோம்

by tamil24.blogspot.com

காற்றழுத்தம் கந்தகப்புகையழுத்திச்
சாவின் வாயிலில்....
மூச்சிழுக்கவோ முழுமையாய்
சுவாசிக்கவோ முடியாத நச்சு நெடில்....
மூலங்கள் எங்கும் கோலங்கள் மாறி
கிட்லரின் நச்சுக் கிடங்குகளாய்
மகிந்தவின் மந்திரமும்
இந்திய மத்திய அரசின் தந்திரமும்....

குருதி சொட்டச் சொட்டச் செத்தவர்கள்
எரிகுண்டுப் புகையோடு கருகுண்டு
கண்களில் ஈரமின்றி எங்கள்
காவியங்கள் முகம் மட்டும்
கனவிலும் நினைவாக...

பழைய புன்னகையும்
பசுமையாய் நெஞ்சக்கூட்டில்
தோழரும் தோழியரும்
தொலைந்திடா நினைவோடு
கண்ணயர முடியாமல்
கனவிலும் அவர்களே
கலையா நினைவுகளாய்.....

பறிபோன தெருக்களெங்கும்
அடுக்கடுக்காய் சடலங்கள்
சாவுகளின் ஓலமும்
சத்தமிடும் குண்டுகளும்
வாழ்ந்திருந்த நிலத்தையும்
வசந்தகாலக் கனவையும்
பறித்துக் கொண்டு
வான் நிறைத்த
கரும்புகையோடு கலக்கிறது.

மானுடவியலாளர்களே
மனுப்போடாதீர் மண்ணீரம் சேரக்
கண்ணீரும் விட வேண்டாம்.
சாகும் இனமாய் நம் சந்ததியே
பாடையேற இதுவரை பார்த்திருந்து
பக்குவமாய் அறிக்கையிட்ட
உங்களுக்கு நன்றிகள்.

போதும் நாங்களினிப்
போக்கின்றிப் போய்விட்டோம்
நிம்மதியாய் மூச்சுவிட்டு
நிறையும் வைன் கோப்பைகளில்
நியாயம் பேசுங்கள்.

மானிட நேசம் மனிதவுரிமை
இப்படி நிறையவே பேசுங்கள்.
எங்காவது எம்மைப்போல்
அழிவதற்கே பிறந்தவர்கள்
ஊர்களுக்கு ஊருலா போய்
எழுதுங்கள் நிறைய நிறைய....
எங்களுக்காயினி
எவரும் வர வேண்டாம்.
நன்றி வணக்கம்
நாங்கள் செத்துப்போகிறோம்
சென்று வருக.

05.04.09

தமிழகம் ஏன் இன்னும் தூங்கி கொண்டிருக்கிறது

by Suresh Kumar

சிறிலங்காவின் இனவெறி போரானது எல்லை மீறி நடந்து கொண்டிருக்கிறது  மூன்று லட்சம் மக்கள் சாவின் விழிம்பில் நின்று கொண்டிருக்கிறார்கள் தமிழகம் தூங்கி கொண்டிருக்கிறது . ஸ்ரீலங்கா ராணுவம் உலகத்தில் தடை செய்யப்பட ஆயுதமாக இருந்தாலும் சரி நச்சு குண்டுகளாக இருந்தாலும் சரி ஏறி குண்டுகளாக இருந்தாலும் சரி எப்படியாவது தமிழினத்தை கூண்டோடு அழிக்க முடிவு கட்டி களமுனையில் தயாராக நிற்கிறார்கள் கொடுங்கோலன் நவீன