தமிழ்வெளி சேமிப்பு: tamil tamilveli.com politics cinema blog 2009-04-07

ஈர மெழுகு கையில் பட்டது
முழங்கை சுவற்றில் பட்டது
விழித்திரையில் முள் பட்டது
வலிக்கவில்லை..
நீ என்னை பார்த்தும்
பேசாமல் போனாய்
ரணமாய் வலிக்குதடி

இது தோழி Aizன் க‌விதை.சிற‌ந்த‌ க‌விதைக‌ளை எழுதும் அவ‌ரின் பிற‌ க‌விதைக‌ளைப் ப‌டிக்க‌ கீழே கிளிக்குங்க‌ள்.
ப‌துமையின் க‌விதைக‌ள்

.

நமது நண்பர் ஜமால் அவர்களுக்கு இந்த பாராட்டை அளிப்பதில் நான் மிகவும் மகிழ்ச்சியும் அதே நேரத்தில் பெருமையும் அடைகின்றேன்!!

கற்போம் வாருங்கள் என்றார், கற்றுக்கொள்ள கடல் கடந்து, மலைகள் பல கடந்து ஓடினோம். அவ்வாறு ஓடி வந்தவர்களை நண்பர் ஜமால் ஏமாற்றவில்லை.

பல கருத்துச் செறிந்த பதிவுகளைக் நண்பர் ஜமால் கொடுத்து இருக்கிறார். அவற்றில் எல்லாம் கருத்துக்கள் பல கோலோச்சின. ரசிக்கவும், சிரிக்கவும், சிந்திக்கவும் இடுகைகளை கொடுத்து இருக்கிறார்.

எல்லாவற்றிற்கும் மேலாக எல்லாரையும் நிமிர வைத்த இடுக்கை.. அதுதான் பத்து வரிகள் நிறைந்த பதிவு. "பத்து வரியில் தெரியாத கவிதை தொகுப்பு" என்று ஒரு இடுக்கை இட்டார் அல்லவா?? அதுதான் எல்லார் மனதிலும் போய் பச்சக் என்று ஒட்டிக் கொண்டது.

படிக்க முடியாத வரிகள் என்றாலும், அனைவரின் நெஞ்சத்திலும் நீடுழி வாழ்கின்ற திறன் பெற்று விட்டதல்லவா?

பின்னூட்டம் போட சோம்பல் படாமல், அந்த பத்து வரிக்கவிதைக்கு ஆயிரம், ஆயிரத்து ஐந்நூறு இப்படி பல ஆயிரம் பின்னூட்டங்களை குவித்தது.

பின்னூட்டங்கள் எப்படி இருந்தது என்ற விளக்கத்திற்கு நான் இங்கு வரவில்லை.

தனது பொன்னான நேரம் மற்றும் அன்பு அனைவற்றையும் கலந்து அல்லவா! நண்பருக்கு பின்னூட்டம் வழியாக வாரி வாரி வழங்கினார்கள் நம் சக நண்பர்கள். இதிலிருந்து என்ன தெரிகின்றது? அன்பிற்கு உண்டோ அடைக்கும் தாள்.. இந்த வரிகள் தானே நினைவிற்கு வருகின்றன.

வரலாறு காணாத வகையில் நம் நண்பர்கள் அனைவரும் ஒரு சேர நண்பர் ஜமாலை அவர்களை அன்பில் திக்கு முக்காட செய்து விட்டனர். இதைக் கண்டு திகைத்த நான் அத்தருணத்தில் முடிவு செய்தேன் என் நண்பனுக்கு இடுக்கை ஒன்று போட்டு அது என்றென்றும் நம் எல்லார் மனதிலும் இருக்கச் செய்ய வேண்டும் என்பதுதான்.

அந்த எண்ணத்தில் அரும்பியதுதான் வாழ்த்து என்ற இந்த மொட்டு.

பத்தே வரிகள் தான்
பகட்டில்லாத வரிகள்
வரிகளில்தான் வேற்றுமை
கருத்தில் இல்லை வேற்றுமை
வரிகளின் நீளங்கள்
சிறிதும் பெரிதுமாக
சிங்காரமாக காட்சியளித்தன
சிதறி இருந்தால் முத்துக்கள்
சிதறாமல் சிந்தினோம்
சிரிப்பென்னும் முத்துக்களை
வாழ்த்துக்கள் தொடர்க !!

கதாநாயகன் யாரென்று தெரியாது, கதாநாயகி யாரென்று தெரியாது. இயக்குனரும் யாரென்று தெரியாமல் எந்த வித எதிர் பார்ப்புமில்லாமல் நான் பார்த்த திரைப் படம் வெண்ணிலா கபடி குழு.

ஆரம்பத்தில் 'நன்றி: வெண்ணைலா கபடி குழு (ஒட்டன் சத்திரம்)' என்று போடுகிறார்கள்.

மதுரை வட்டார மொழி பேசும் திரைப் படங்களான விருமாண்டி, பருத்தி வீரன், கல்லூரி, சுப்பிரமணியபுரம் போன்று யாதார்த்தத்தின் மிக அருகாமையில் நம்மை அழைத்து செல்கிறது.

மிகைப் படுத்தல் இன்றி கிராமங்களை உள்ள படி காண்பித்ததற்கு நன்றி.

உதாரணத்திற்கு திருவிழா நடக்கும் போது ஒலி பெருக்கியில் கேட்கும் திருவிழா விளையாட்டின் நேர்முக வர்ணனை அச்சு அசல்.

பேருந்துடன் போட்டி போட்டு சைக்கிள் ஓட்டி செல்லும் கிராமத்து இளைஞன் பேருந்தை முந்தி ஜெயிப்பதாக ஒரு காட்சி.

நடத்துனர் ஓட்டுனரிடம் "என்னண்ணே கடைசிலே பிரேக் போட்டுட்டீங்க..இப்ப பாருங்க அந்த பையன் ஜெயிச்சுட்டான்.." என்கிறார். கொஞ்சம் வயதான ஓட்டுனர், "விடுரா..நாமெல்லாம் சின்ன வயசுல எவ்வளவு வண்டியை முந்தணும்னு பாத்துருப்போம்..அங்க பார்றா அவன் முகத்துல எவ்வளவு பெரிய சந்தோஷம்னு.." வசன கர்த்தாவுக்கு ஜே!

லேசா பறக்குது மனசு..மனசு பாட்டில் இசையமைப்பாளரின் கொடி பறக்குது. குணா படத்தின் 'பார்த்த விழி பார்த்த படி..' பாடலுக்கு அப்புறம் இசையும் காட்சி அமைப்பும் ஒத்துப் போவதை இந்த பாடலில் தான் பார்த்தேன்.

கொஞ்சம் பிசகி இருந்தாலும் 'வெண்ணிலா காமெடி குழு' ஆகி இருக்கும். எளிமையான கதையை அற்புதப் படுத்தியுள்ளார் இயக்குனர்.

இது போல் கிராமத்து வீதிகளை அசலாக எந்த படத்திலும் நான் பார்த்ததாக நினைவில்லை.

நாயகன், நாயகி யின் நடிப்பை குறை சொல்வதற்கு இல்லை. ஐஸ் க்ரீம் சாப்பிட்டு விட்டு அவசர அவசரமாக நாயகனை பார்த்ததும் முகம் துடைக்கும் காட்சி ஒரு சிறிய உதாரணம்.

நாயகி பேசும் மொத்த வசனத்தையும் ஒரு பேருந்து சீட்டின் பின்புறம் எழுதி விடலாம்.

இருவரும் சேரும் காட்சிகள் குறைவு என்பதால் இரண்டு பாடல்களை கனவு பாடலாகவே காண்பித்தது லேசான சலிப்பை தந்தது.

இருந்தாலும் பாடல்கள் நன்றாக இருந்ததால் குறை தெரியவில்லை.

தெளிவான காமிரா.

ஒரு ஆள் விடாமல் அனைவரும் நடிப்பில் பின்னி பெடலெடுத்து இருக்கிறார்கள்.

கபடி கோச் ஆக வருபவரின் நடிப்பும். பேச்சும் சூப்பர்.

ரசிக்கும் படியான நகைச்சுவைகளும் உண்டு.

படம் முழுதும் சிக்ஸரும், ஃபோரும் அடிக்கும் இயக்குனர் கிளைமாக்ஸில் அடிப்பது ஒரே பந்தில் நூறு ரன்கள்!

இது போன்ற கண்டிப்பாக தமிழ் திரைப் படங்களின் பரிணாம வளர்ச்சிக்கு காரணமாக அமைவது சந்தோஷத்தை தருகின்றது.

அதை விட சந்தொஷமானது இவை வியாபார ரீதியாகவும் வெற்றி பெற்று வருவது.

தவறு.17.
சிறு குழந்தையிடம் கத்தி, பிளேட் போன்ற அபாயகரமான பொருட்களை கொடுப்பதைத் தவிர்ப்பது

காரணம்
1. எந்த பொருட்களைக் கொடுக்காமல் தவிர்க்கிறோமோ, அந்த பொருட்களின்மீது குழந்தைக்கு ஈர்ப்பு உண்டாகும். ஆகவே நாம் இல்லாத நேரங்களில் அப்பொருளை பயன்படுத்த முயற்சித்து தீங்கை விளைவித்துக் கொள்ளலாம்.
2. எல்லா நேரங்களிலும் அந்தப் பொருளை அவர்கள் கண்ணில் படாமல் பாதுகாப்பது என்பது இயலாத காரியம்.
3. அபாயகரமான பொருட்களைப் பற்றிய அறிவு பெறுவதை தடுக்கிறோம்.

தீர்வு
அந்தப் பொருளை எடுத்துக்கொண்டு, அது ஏன் அபாயகரமானது? தவறாகப் பயன்படுத்தினால் என்ன விளைவுகள் ஏற்படும்? என்பதை விளக்க வேண்டும். பின் அந்தப் பொருளில் என்ன என்ன பாகங்கள் உள்ளன, அவற்றில் எது ஆபத்தை விளைவிக்கக் கூடியவை, அப்பொருளின் பயன் என்ன என்பதை விளக்கலாம். நம் மேற்பார்வையில் 2 அல்லது 3 முறை பயன்படுத்த சொல்லலாம். பயன்படுத்தும்போது 'அபாயகரமான பகுதியில் கையை வைக்காமல் நன்றாக பயன்படுத்துகிறீர்கள்' என்று பாராட்டுவதன்மூலம் அபாயத்தை மீண்டும் நினைவு கூறலாம். அதிக குறும்பு செய்கிற குழந்தையாக இருந்தால் அதிக கவனம் தேவை.

தவறு.18.
கம்பி கேட்டில் ஏறினால் திட்டுவது.

காரணம்
நாம் இல்லாதபோது ஏறி தீங்கை ஏற்படுத்திக்கொள்வார்கள்.

தீர்வு
நாம் இருக்கும்போதே ஏற அனுமதிக்க வேண்டும். 2 அல்லது 3 முறை ஏறும்போது உடலை சமநிலைப்படுத்துவது (Balance) எப்படி எனக் கற்றுக்கொள்வார்கள். அதன்பிறகு ஆபத்து ஏற்படாது. கீழே விழுந்தால் எப்படி ஆபத்து விளையும் என்பதை விளக்கி, ஏறும்போது கவனம் தேவை ஆகவே மெதுவாக ஏறவும் என்பதை விளக்கி விட வேண்டும்.

-மரு.இரா.வே. விசயக்குமார்

சாப்பிட்டவுடன் உடனே புகைபிடிப்பது:

சாப்பிட்டவுடன் உடனே புகைபிடிப்பது ஒரே சமயத்தில் பத்து சிகரெட்டுகளை புகைபிடிப்பதற்கு சமம் என அறிவியல் பூர்வமாக நிரூப்பிக்கப்பட்டுள்ளது. இது கேன்சர் நோயக்கு அதிக வாய்ப்புகளை உருவாக்கிறது

சாப்பிட்டவுடன் பழங்கள் சாப்பிடுவது:

உணவு சாப்பிட்ட உடன் பழங்கள் சாப்பிடுவதால் வயற்றினுள் காற்று அதிகமாக நிரப்பப்படுகிறது. எனவே சாப்பிட்டபின் 1-2 மணி நேரங்கள் கழித்து பழங்கள் சாப்பிடுவது நலம்.

சாப்பிட்டவுடன் டீ குடிப்பது:

உணவு சாப்பிட்ட உடன் டீ குடிப்பதை தவிர்ப்பது நலம். தேயிலையில் உள்ள அமிலங்கள் உணவில் கலந்து சாப்பிட்ட உணவு ஜீரணமாவதை கடினமாக்குகிறது.

சாப்பிட்டவுடன் இடுப்புபட்டையை(பெல்ட்)தளர்த்துதல்:

சாப்பிட்டவுடன் அணிந்திருக்கும் இடுப்புபட்டையை தளர்த்துவதால் குடல் அடைத்துக்கொள்ளவும்,முறுக்கப்படவும் வாய்ப்புகளுண்டு.

சாப்பிட்டவுடன் குளிப்பது:

சாப்பிட்வுடன் குளிப்பதால் கை,கால் பகுதிகளில் இரத்த ஓட்டம் அதிகரிக்கிறது. இதனால் வயிற்றுப்பகுதிகளில் உள்ள இரத்த ஓட்டம் குறைந்து ஜீரணமாவதை பாதிக்கிறது.

சாப்பிட்டவுடன் நடப்பது:

சாப்பிட்டவுடன் நடந்தால் நூறு ஆண்டுகள் வாழலாம் என்று கூறுவதுண்டு.முற்றிலும் தவறு.
சாப்பிட்டவுடன் நடப்பதால் உணவு செரிமானத்தின் போது உணவிலுள்ள சத்துக்கள் முழுமையாக உட்கிரகிகப்படுவதில்லை.

சாப்பிட்டவுடன் தூங்குவது: