அண்மையில் இராணுவத்தினர் புதுக்குடியிருப்பில் மேற்கொண்ட தாக்குதல்களின் போது, இரசாயன ஆயுதங்களை பாவித்துள்ளனர் என விடுதலைப் புலிகள் அறிவித்துள்ளனர்.இந்த தாக்குதல்களில் இருந்து தப்பி வந்த விடுதலைப் புலிகளின் சிரேஸ்ட தளபதியான லோரன்ஸ் இந்த தகவலினை வெளியிட்டுள்ளார்.
தமிழீழ விடுதலைப் புலிகளின் நூற்றுக்கணக்கான உறுப்பினர்களை கொன்று குவித்ததாக இலங்கை பாதுகாப்பு அமைச்சு தெரிவித்துள்ளது.
இது தொடர்பில் பாதுகாப்பு அமைச்சின் இணையத்தளத்தில், புகைப்படங்களில், இரசாயன ஆயுதங்கள் பயன்படுத்தப்பட்டுள்ளமை உறுதிப்படுத்தப்படுகின்றன.
கடந்த முதலாம் உலகப்போரில் இடம்பெற்ற பாரிய உயிரிழப்புகளை தொடர்ந்து, இவ்வாறான உயிரியல் இரசாயன ஆயுதங்கள், சர்வதேச போரியல் பிரகடனத்தின் படி தடை செய்யப்பட்டுள்ளன.
இலங்கை அரசாங்கம் ஏற்கனவே கடந்த 2001ம் ஆண்டு இந்த தடைசெய்யப்பட்ட இராசாயன ஆயுதக் கொள்வனவுகளில் ஈடுபட்டிருந்தமை வெளிவந்திருந்தன.
இந்த இரசாயன ஆயுதங்களை மீன் பிடிக்கும் போதும், மிருகங்களின் மீதும் கூட பாவிப்பதற்கு தடை செய்யப்பட்டுள்ள நிலையில், எந்த வகையில் போராளிகளின் மீது பிரயோகிக்கமுடியும் என கேள்வி எழுப்பப்பட்டுள்ளது.
சிறீலங்காவின் இரசாயன ஆயுத பாவித்திற்கான ஆதாரங்கள்
வன்னியில் பாதுகாப்பு வலயப் பகுதியில் பொக்கணை பிரதேசத்தில் உள்ள சிறுவர் பராமரிப்பு நிலையம், பால்மா விநியோக நிலையம் ஆகியவற்றின் மீது இன்று சிறிலங்கா படையினர் நடத்திய தாக்குதல்களில் 40 பொதுமக்கள் கொல்லப்பட்டுள்ளனர். மேலும் 100 சிறுவர்கள் உட்பட 258 பேர் படுகாயமடைந்துள்ளனர். இன்று சிறிலங்கா படையினர் நடத்திய கண்மூடித்தனமான ஆட்லறி, கனரக துப்பாக்கிச் சூட்டுத் தாக்குதல்களிலேயே குறித்த இழப்புக்கள் ஏற்பட்டுள்ளதாக தெரிவிக்கப்பட்டுள்ளது.
பிந்திய தகவல்களின்படி கொல்லப்பட்ட பொதுமக்களின் 25 சடலங்கள் மாத்தளன் மருத்துவமனைக்கு கொண்டு செல்லப்பட்டுள்ளதாகவும் அவற்றில் 13 சடலங்கள் இதுவரை அடையாளம் காணப்பட்டுள்ளதாகவும் மருத்துவமனை வட்டாரங்கள் தெரிவித்துள்ளன்.
இதேவேளை இன்று புதன்கிழமை உட்பட கடந்த மூன்று நாட்களில் வன்னிப் பாதுகாப்பு வலயப் பகுதிகளில் சிறிலங்கா படையினரால் 100 க்கு அதிகமான பொதுமக்கள் படுகொலை செய்யப்பட்டுள்ளதுடன் 422 க்கு அதிகமான பொதுமக்கள் காயமடைந்துமள்ளனர் என தெரிவிக்கப்பட்டுள்ளது.
இவற்றில் கடந்த திங்கட்கிழமை 43 பேர் கொல்லப்பட்டும் 102 பேர் காயமடைந்துள்ளதாகவும் நேற்று செவ்வாய்க்கிழமை 21 பேர் கொல்லப்பட்டும், 62 பேர் காயமடைந்துள்ளதாகவும் அங்கிருந்து கிடைக்கும் தகவர்கள் தெரிவித்துள்ளன.
அத்துடன் உயிரிழந்த பொதுமக்களின் பெயர் விபரங்கள் கிடைக்கப்பெறவில்லை.
எனினும் இந்தத் தரவுகளின் அடிப்படையில் வைத்து ஆராய்ந்து பார்க்குமிடத்து இன்றைய சிறிலங்கா படையினரின் தாக்குதல்களில் உயிரிழந்த, படுகாயமடைந்தவர்களின் எண்ணிக்கை இங்கு குறிப்பிட்ட தொகையை விட அதிகமாக இருக்கலாம் என எண்ணத்தோன்றுகிறது.
தமிழர் தாயகத்தில் சிறீலங்கா படையினர் உடனடியாக நிரந்தர போர் நிறுத்தம் செய்ய வேண்டும் என வலியுறுத்தி நெதர்லாந்து தமிழ் மக்கள் மேற்கொள்ளும் போராட்டம் இன்று (புதன்கிழமை) மூன்றாவது நாளாகவும் தொடர்ந்து இடம்பெற்று வருகின்றது.
போர் நிறுத்தம் செய்வதற்கான அழுதத்தை சிறீலங்கா அரசுக்கு நெதர்லாந்துப் பிரதமர் கொடுக்க வேண்டும் எனக்கோரியே இந்த மக்கள் போராட்டத்தில் ஈடுபட்டு வருகின்றனர்.
டென்ஹாக்கில் நெதர்லாந்து முன்றலில் இந்த தொடர் போராட்டங்கள் நடைபெற்றுக் கொண்டிருக்கின்றன.
கருத்துகள் இல்லை:
கருத்துரையிடுக