புதுவையில் உள்ள தனியார் மருத்துவக்கல்லூரிகள் அரசு ஒதுக்கீடாக 50 சதவீதம் வழங்குவது தொடர்பாக நிர்வாகத்தினருடன் அரசு அதிகாரிகள் இன்று பேச்சுவார்த்தை மேற்கொண்டனர்.
புதுவையில் உள்ள தனியார் மருத்துவக்கல்லூரிகளில் அரசு ஒதுக்கீடாக 50 சதவீதம் வழங்க வேண்டுமென்று, தடையில்லா சான்றிதழ் கொடுக்கும்போதே ஆணை வழங்கப்பட்ட போதிலும், அரசுக்குரிய 50 சதவீத இடஒதுக்கீடு இன்று வரை முறையாக வழங்கப்பட்டதில்லை.
ஒவ்வொரு ஆண்டும் மாணவர் சேர்க்கைக்கு முன்னதாக மருத்துவக்கல்லூரி நிர்வாகத்தினருடன் அரசு தரப்பில் பேச்சுவார்த்தை நடத்தப்பட்ட போதிலும் அரசு நிர்ணயித்துள்ள 50 சதவீதம் என்பது இதுவரை கனவாகவே உள்ளது. இப்பிரச்னை தொடர்பாக அரசியல் கட்சியினர் மற்றும் பல்வேறு அமைப்பினர் வலியுறுத்திய போதிலும், இதனை தனியார் மருத்துவக்கல்லூரிகள் கண்டு கொள்வதில்லை.
இதுபோன்ற சூழ்நிலையில் இந்த ஆண்டு மாணவர் சேர்க்கையின்போது 50 சதவீத இடஒதுக்கீட்டினை வழங்க வேண்டுமென்று அரசு தரப்பில் கடந்த சில தினங்களுக்கு பேச்சுவார்த்தை நடத்தப்பட்டது. இதன் தொடர்ச்சியாக வனத்துறை கருத்தரங்கு கூடத்தில் இன்று பேச்சுவார்த்தை நடத்தப்பட்டது.
இதில், முதல்வர் வைத்திலிங்கம், அமைச்சர் வல்சராஜ், சுகாதாரத்துறை செயலர், இயக்குனர் மற்றும் தனியார் மருத்துவக்கல்லூரி நிர்வாகத்தினர் கலந்து கொண்டனர்.
அப்போது அரசுக்குரிய 50 சதவீத இடஒதுக்கீட்டினை வழங்க வேண்டுமென வலியுறுத்தப்பட்டது. ஆனால் வழக்கம்போல் இன்றைய பேச்சுவார்த்தையிலும் இழுபறியே நீடித்தது தெரியவந்துள்ளது.
புதுவையில் உள்ள தனியார் மருத்துவக்கல்லூரிகள் அரசு ஒதுக்கீடாக 50 சதவீதம் வழங்குவது தொடர்பாக நிர்வாகத்தினருடன் அரசு அதிகாரிகள் இன்று பேச்சுவார்த்தை மேற்கொண்டனர்.
ஆறாவது ஊதியக்குழுவின் பரிந்துரைகளை அமல்படுத்தக்கோரி சென்டாக் பணிகளை புறக்கணிக்க பொறியியல் கல்லூரி ஆசிரியர்கள் முடிவெடுத்திருப்பதால் மாணவர்கள் மற்றும் அவர்களின் பெற்றோர் கடும் அதிர்ச்சியடைந்துள்ளனர்.
புதுவை மாநிலத்தில் உள்ள விவசாயிகளுக்கு இன்சூரன்ஸ் தொகை வழங்கப்படுவதுடன், அவர்களின் நலன் காக்க காங்கிரஸ் அரசு பாடுபடுமென்று முதல்வர் வைத்திலிங்கம் உறுதி அளித்துள்ளார். 
கருத்துகள் இல்லை:
கருத்துரையிடுக