2009-05-28

பழைய டைரியில் இருந்து..

by ♠ யெஸ்.பாலபாரதி ♠

உனக்கான
காத்திருப்புக்களிலெல்லாம்
ஏறிவிடும்
மனதின்வயது
உன்னை பார்த்தநிமிடத்திலேயே
குழந்தையாக மாறி குதுகுலிக்கிறது.

****

உன் மூச்சுக் காற்றும்
போதை ஏற்றுகிறது பார்
நீஊதிக்கொடுத்த பலூன்
ஒரு இடத்தில் நிற்கமாட்டாமல்
அறையெங்கும் தள்ளாடியபடியே
வலம் வருகிறது.

***

சத்தமிடாமல்முத்தமிடத்தெரியாதா
என்று கோபப்படத்தெரிகிறது
உனக்கு
நம்ப மறுக்கும்காதுகளுக்கு
சத்தத்தைமட்டுமே
கொடுக்கத்தெரிந்திருக்கிறது எனக்கு.

***
இரவு நேரங்களில்
மொட்டைமாடிக்குவராதே
என்றேன்கேட்டாயா
இப்போது பார்
நட்சத்திரங்கள்
வெட்கித்தற்கொலை
செய்துகொள்கின்றன.

***

இலக்கணமாக நீ
இருக்கும் தைரியத்தில் தான்
உனைபேசும்கவிதைகள்
மரபுடைக்கின்றன.

***

திருவிழாவுக்குக் கூட
கிராமத்துப் பக்கம்
வருவதில்லை என்று
அலட்டிக்கொள்கிறாள் அம்மா
திருவிழா பார்க்கும்மகிழ்ச்சியை விட
பத்து மடங்கு கூடுதலாக கிடைக்கிறது
உனைப் பார்க்கும் போதெல்லாம்
நீதான் நகரத்தில் இருக்கிறாயே!

***
புரையெறினால்
தட்டுவாய் என
தெரிந்திருக்கிறதுதலைக்கு
அதனாலேயே
நீ இருக்கும்
போதெல்லாம்புரையேற்றிக் கொள்கிறது.
***
கங்கையாற்றின்
அழுக்கை கரையிலிருந்தே
பார்த்து திரும்பி விட்டாயாமே
உன் கால்களையாவது
நனைத்திருந்தால
்புனிதப்பட்டு போயிருக்கும் அது.

***

கோவிலுக்குள்
கண்மூடி வழிபடும்
போதும்முன்னும்
பின்னுமாய்
அசைந்தபடியே இரு.
சிலைத்திருட்டு செய்திகள்
எல்லா நாளிதழ்களிலும்!

***

பதிவர் சந்திப்பில் எனக்கு எதிரான சதி அம்பலம்!

by ♠ யெஸ்.பாலபாரதி ♠

சென்னை பதிவர் சந்திப்பு வெற்றிகரமாக நடத்தி முடிச்சாச்சு. மீடியா மூலம் தமிழ்வலைப்பதிவூகளை பொது மக்களின் கவனத்திற்கு கொண்டு போகும் வேலையையும் செய்தாச்சு. ஆனா.....



அங்கே எனக்கு எதிராக நடத்தப்பட்ட ஒரு சதி இப்போது தான் வெளியே வந்திருக்கிறது.


சந்திப்பின் போது எடுக்கப்பட்ட படங்கள் இன்று காலை தான் பார்வைக்கு வந்தன.. அதில் ஒன்று தான் நீங்கள் மேலே பார்ப்பது. அந்த படத்தை உற்று நோக்கினால் ஒரு எனக்கு எதிராக நடந்த சதி தெரியும்.


அந்த போட்டோவை/சதியை கீழே வட்டம் போட்டு காட்டி இருக்கிறேன்.

---


---


---


---


---




--



---


---




--




--




--



---







--




எனக்கு 'கொம்பு' வைத்த மாப்பு வரவனையின் இச்செயலை வண்மையாக கண்டிக்கிறேன். ஆமா!

பதிவர் சந்திப்பு - Video

by ♠ யெஸ்.பாலபாரதி ♠

பதிவர் சந்திப்பு குறித்து நண்பர் ஓசை செல்லா.. சூப்பராக படம் காட்டி விட்டார். அவரளவுக்கு முடியாவிட்டாலும் ஏதோ என் அளவில் நான் படம் காடுகிறேன். விடியோ குவாலீட்டி சரி இருக்காது. கை பேசியில் எடுத்தது. மிக்ஸிங் கூட கைபேசியில் தான் செய்தது. அதனால்.. சிரமத்திற்கு மன்னித்தருளுங்கள். ;)

அப்புறம் அஞ்சலி பாப்பா மாதிரியான குட்டீஸ் வீடியோவை கடைசி வரை பார்க்க வேண்டாம். கடைசியில் வரும் உருவத்தைக் கண்டு குட்டீஸ்கள் பயந்து விடக்கூடும் என்பதால் இது எச்சரிக்கை!




youtube-ல் படம் பார்க்க முடியாதுன்னு சொல்லுற சாமீகளுக்கு.., கீழே இருப்பதில் பார்க்க முடியுதான்னு பாருங்க!

லக்கிலுக்- குரலோடு இணையும் எங்கள் குரல்..

by ♠ யெஸ்.பாலபாரதி ♠

நண்பர்களே!

இதோ.. தமிழ்மணத்திற்கு ஆதரவு அளிக்க நினைக்கும் பதிவர்களுக்காக.. இந்த பதிவு!

ஓரத்தில் இருக்கும் "பொத்தானை" அமுக்குங்கள் அது வழி நடத்தும்.

நன்றி!!

லக்கியின் பதிவு இங்கே!

குறிப்பு:--

பதிவர் குறித்த ரகசியங்களை தமிழ்மணம் வெளியே விட்டிருக்காது என்ற எங்களின் நம்பிக்கையுடன்.. எத்தனை பேரின் நம்பிக்கை இணைகிறது என்று சோதித்துப் பார்க்கவே.. பட்டையைப் போட்டோம்.

நிறைய பதிவர்கள் தங்களின் நிலைபாட்டினை ஆரதவு மூலம் காட்டிய பின் பட்டையின் தேவை இல்லாமல் போனது அதனால தூக்கியாச்சி! :))

மே 20 - கோவையில் பதிவர் பட்டறை!

by ♠ யெஸ்.பாலபாரதி ♠

நண்பர்களே..!

வலைப்பதிவுகளை அடுத்த தளத்திற்கு நகர்த்தும் முயற்சியாக.. கோவையில் ஒரு நாள் பதிவர் பட்டறை நடத்துவது என்று தீர்மானித்து இருக்கிறோம். இப் பட்டறையில் தமிழ் பதிவர்கள் தவிர்த்து சில பிரபலமான எழுத்தாளர்களுக்கும் கலந்து கொள்ளும் படி அழைப்பு அனுப்பி இருக்கிறோம்.

நிகழ்வுகள் இரண்டு அமர்வாக பிரிக்கப்பட்டிருக்கிறது..


முதல் அமர்வு: காலை 9.30 மணிக்கு தொடங்கி மதியம் 1 மணி வரை.

பின் மதிய உணவு இடைவேளை.

இரண்டாவது அமர்வு: ம்மதியம் 2 மணிக்கு தொடங்கி மலை 4 மணி வரை.

அதன் பின், சின்னதாக மினி பிக்னிக்! ;)


பல்வேறு தலைப்புகள், வீடியோ கான்பிரன்ஸிங்,டெக்ன்னிங்கல் விசயங்கள், மற்றும் குட்டிக்கதை, கவிதை, நகைச்சுவை என்று கதைக்கவும், கேட்கவும் நிறைய இருக்கு.

வெளி்யூரிலிருந்து கோவை வரும் பதிவர்களுக்கு தங்குவதற்கும், உணவிற்கும் ஏற்பாடுகள் செய்யப்பட்டுள்ளன.

நீங்கள் செய்ய வேண்டியவைகளில் மிக முக்கியமானது.. தங்கள் ஊரில் இருந்து கோவை வந்து போகும் பயணச் செலவை மட்டும் பார்த்துக்கொள்ளுதல் தவிர வேறில்லை.

அப்ப டிக்கெட் எடுத்துட்டுச் சொல்லுறீங்க!

என்னோடு பேச:- 0- 9940045507.

ஓசை செல்லா:- 0- 9994622423.

செந்தழல் ரவி :- 0-9886397051.


---------------------

நாள்: மே-20-2007

கிழமை: ஞாயிறு

நேரம்: காலை 9 மணி முதல் மாலை 4 மணி வரை

இடம்: தாட் இக்நைட் ஃபவுண்டேசன்,
கௌதம் ஆக்ர்கேட் இரண்டாவது தளம்,
மாநகராட்சி கலையரங்கம் எதிரில்,
ஆர்.எஸ்.புரம்
கோயம்புத்தூர்-2.

-----------

நினைவுக்கு:-

வெளி நாட்டில் இருந்து தொலைபேசும் நண்பர்கள் இந்திய நேரப்படி மாலை;- 3.30 மணிக்கு பின் 4.30 க்குள் தொலை பேசினால் நன்றாக இருக்கும். நிகழ்வு நடந்து கொண்டிருக்கும் போது.., அழைப்பு வருவதால்.. தொலை பேசவும் முடியாமல், நிகழ்வை கவனிக்கவும் முடியாமல் போய் விடுகிறது என்பதால் இந்த கோரிக்கை. சிரமத்திற்கு மன்னிக்கவும்.

இணைவோம்! குமுதத்தை எதிர்ப்போம்..!!

by ♠ யெஸ்.பாலபாரதி ♠

"எச்சரிக்கை :

இந்தத் தொடர் உங்களை அதிர்ச்சி அடைய வைக்கக் கூடும். உண்மைகளை அப்பட்டமாக, நேருக்கு நேர் சந்திக்க நேரும் போது ஏற்படும் அதிர்ச்சி. இது போன்ற அனுபவங்களை நீங்கள் வாழ்வில் ஒரு முறை கூட சந்தித்திராததால் ஏற்படக்கூடடிய அதிர்ச்சி. அந்த அதிர்ச்சியில் இவற்றை ஆபாசம் என்று எண்ணிக் கூட நீங்கள் முகம் சுளிக்கலாம். எந்தவித அனுபவத்தையும் சந்திக்க மனதைத் தயார் செய்து கொண்டு படிக்க ஆரம்பியுங்கள். "

சில வருடங்களுக்கு முன் இப்படியான வாசகங்களுடன் தான் அந்த தொடர் குமுதம் வார இதழில் தொடங்கப்பட்டது. தொடர்ச்சியான எதிர்ப்பலைகளால்.. அத்தொடர் பாதியிலேயே நிறுத்தப்படதாக நினைவு.

அவ்வளவு வக்கிரம்.. அசிங்கம்.. கழிவறை வாக்கியங்களால் நிறைக்கப்பட்ட தொடர். இப்போது மீண்டும் தொடங்கப்பட்டிருக்கிறது. அதுவும் இணையத்தில்..!, அவர்களின் சொந்த தளமாக இருந்தாளும்..! இப்படியான செயல்களை நாம் கண்டித்தே ஆகவேண்டும் என்று நினைப்பவர்கள்..

உங்கள் எதிர்ப்புக்களை அவர்கள் தளத்திற்கு சென்று (பதிவு செய்திருத்தல் அவசியம்) http://www.kumudam.com/feedback.php பக்கத்தில் உள்ள பொட்டியில் போட்டுவிட்டு வாருங்கள்.