வேக வேகமாக வளர்ந்து கொண்டிருந்த விண்ணை தாண்டி வருவாயா படத்தில் திடீர் சுணக்கம். கோயமுத்தூர் எக்ஸ்பிரஸ்சை கோயம்பேட்டுக்கு திருப்பிவிட்ட மாதிரி ஒரே அல்லோகலம் என்கிறார்கள். என்னவாம்?தெலுங்கில் மகேஷ்பாபுவிடம் கால்ஷீட் வாங்கியிருக்கிறார் கவுதம் மேனன். ஆனால் உடனே அல்ல. ஓரிரு மாதங்கள் கழித்துதான் இவரது படத்தில் நடிக்க வருவாராம் பாபுகாரு. விண்ணை தாண்டி வருவாயா கதையைதான் அவரிடமும் சொல்லியிருக்கிறார் கவுதம். தான் நினைத்தமாதிரி தெலுங்கு படம் நகர ஆரம்பித்தால் தமிழ், தெலுங்கு ரிலீசை ஒரே நேரத்தில் வைத்துக் கொள்ளலாம் என்பது கவுதமின் கணக்கு.
ரஹ்மானின் தமிழ் ட்யூனையே தெலுங்குக்கும் பயன்படுத்திக் கொண்டால், ஆடியோ மார்கெட்டிலும் ஒரு அட்டகாச வசூலை பார்க்கலாமே? இப்படி அவர் போட்ட கணக்கில்தான் இந்த சுணக்கம். ஒருவேளை தமிழ் படத்தை முதலில் கொண்டு வந்து அது வேறு மாதிரியான ரிசல்ட்டை கொடுத்தால், மொத்த கதையையும் மாற்ற சொல்வார் மகேஷ்பாபு என்ற அச்சமும் இந்த ஒரே நேர ரிலீஸ் ஐடியாவுக்கு காரணமாம்.
இதற்கெல்லாம் சம்மதிக்க முடியாத சிக்கலில் இருக்கிறார் வி.தா.வ நாயகன் சிம்பு. இரு கெட்டப்புகளில் நடித்திருக்கும் இவர் ஒரு கெட்டப்பில் தாடி வைத்திருக்கிறாராம்! இதற்காக நீட்டலும் மழித்தலும் வேண்டா என்று ஒதுங்கியே இருக்கும் சிம்புவுக்கு தாடியை எடுப்பதா? அல்லது காத்திருப்பதா என்ற சிக்கலும் வந்திருக்கிறது. எது எப்படியோ? போடா போடி வேலையை துவங்கலாம் என்ற முடிவுக்கு வந்துவிட்டார் இப்போது.
நெஞ்சுக்குள் பெய்திடும் பேய் மழை?
பைட் மாஸ்டரிடம் எடுபிடி வேலை பார்த்துக்கொண்டிருந்த ராகவாலாரன்ஸ் ஷூட்டிங் ஸ்பாட்டில் நடன அசைவுகளை வெளிப்படுத்திக்கொண்டிருந்திருக்கிறார். நடன அசைவுகளிலும், பொதுவாகவே அவரது மேனரிசங்களில் ரஜினியின் ஸ்டைல்இருந்திருக்கிறது.
இதைக்கவனித்துவிட்ட ரஜினி ஷூட்டிங் முடிந்து காரில் கிளம்பும்போது லாரன்ஸிடம் நாளைக்கு வீட்டில் வந்து என்னைப்பாரு என்று சொல்லிவிட்டு போய்விட்டார்.
வீட்டுக்குப்போய் பார்த்ததும் உனக்கு திறமை இருக்கு..நல்ல எதிர்காலம் இருக்கு. அதை வீணடித்துக்கொள்ளாதே என்று நடனஇயக்குநரிடம் உதவியாளராக சேர்த்துவிட்டார்.அதிலிருந்து அவர் நடன இயக்குநராகி, நடிகரும் ஆகிவிட்டார்.
எடுபிடியாக இருந்த தன்னை புகழ் ஏணியில் ஏத்திவிட்ட ரஜினியிடம் சொல்லிவிட்டுத்தான் இன்றைக்கும் எந்த ஒரு காரியத்தையும் செய்துவருகிறார் லாரன்ஸ்.
இந்நிலையில் லாரன்ஸ் தம்பி காதல்விவகாரம் ஏடாகூடாமாக இருக்க, கல்யாணமும் ஏடாகூடமாக ரகசியமாக நடந்து முடிந்திருக்கிறதாம். தனது ஒவ்வொரு அசைவையும் அக்கறையுடன் கவனித்து வரும் ரஜினியிடம் சொல்லாமல் திருமணம் செய்யக்கூடாது என்று ரஜினிக்கு போன் போட்டாராம் லாரன்ஸ்.
ரஜினியிடம் தம்பியின் காதல், ரகசிய கல்யாணத்தை சொன்னதுமே அதனாலென்ன நான் வருகிறேன் எப்போ..எங்கே..என்று கேட்டாராம் ரஜினி. ஆனால் லாரன்ஸோ, ஸார்..நீங்க இந்த கல்யாணத்திற்கு வரனுமென்று உங்ககிட்ட சொல்லல..அதே நேரத்துல உங்ககிட்ட சொல்லாம இருக்கவும் முடியல. அதனாலதான் சொன்னேன்.
இது ரகசிய கல்யாணம்..கொஞ்சம் விவகாரமான காதல் கல்யாணம். அதனால் நீங்க வரவேண்டாம். உங்க இமேஜ் பாதிக்கும் என்று சொன்னாராம் லாரன்ஸ்.
'இட்ஸ் ஓகே' என்று ரஜினியும் போனை வைத்துவிட்டாராம்.
விஜய் தனது பிறந்த நாளில் கட்சி ஆரம்பிக்கப்போகிறார் என்று செய்திகள் வந்த வண்ணம் இருந்தன. விஜய்யின் தந்தை எஸ்.ஏ.சந்திரசேகரனும் பேட்டியின் மூலம் அதை உறுதிப்படுத்தினார்.
ஆனால், விஜய் தனது பிறந்த நாளன்று இலவச மருத்துவ முகாம், இலவச கம்ப்யூட்டர் சென்டர் திறப்பு விழா என்று ஏகப்பட்ட கண் துடைப்புகளுக்கு பிறகு மைக் பிடித்தார். அப்போது, ''எனது ரசிகர்கள் எல்லோரும் நான் கட்சி ஆரம்பிப்பதைவிரும்புகிறார்கள். அவர்கள் இப்போதே தொண்டர்கள் ஆகிவிட்டார்கள். அவர்கள் விருப்பத்தை நானும் ஏற்கிறேன்.
இப்போதைக்கு எனது ரசிகர் மன்றம் மக்கள் இயக்கமாக செயல்பட துவங்கும். நான் மக்களுக்காக வீதியில் இறங்கி போராடுவேன்(?), என்றெல்லாம் அள்ளிவிட்டவர், கடைசியில் ரஜினி பாணிக்கு வந்தார்.
எப்படி வருவேன் என்று தெரியும் ஆனால் எப்ப வருவேன் என்று தெரியாது என்பது மாதிரி.......அரசியல் கட்சி தொடங்குவேன். ஆனால் எப்போது என்று சொல்ல முடியாது என்று பேசினார்.
வருவேன் ஆனா வரமாட்டேன் என்று சொல்லிக்கொண்டிருக்கும் ரஜினிக்கு போட்டியாக வந்துட்டாரய்யா விஜய் என்று நினைத்துக்கொண்டிருக்கும் வேளையில் தோ.. நானும் வந்துட்டேன் என்கிறார் அஜீத்.
என் வேளையை நான் பார்க்கிறேன்..உங்க வேளையை நீங்க பாருங்க...எதற்கு வந்து என்னைப் பார்க்கனுமென்று நிற்கிறீங்க என்று ரசிகர்களிடம் எரிந்துவிழும் அஜீத், தனது ரசிகர் மன்றங்களை ஒருங்கிணைக்க ஆரம்பித்துவிட்டார். தல..உங்களுக்கு மட்டும் என்ன குறைச்சல். நாமளும் கட்சி ஆரம்பிக்கனும் என்று அடம்பிடிக்கிறார்களாம், இப்படி உசுப்பேத்தி உசுப்பேத்தியே தங்களைரணமாக்கிக்கொள்ளும் ரசிகர்கள்.
அஜீத்தே இனி ரசிகர் மன்றத்தினரை நேரில் பார்த்து ஆலோசனை செய்யப்போகிறாராம். அதுமட்டுமல்ல, iyyakkam1971@gmail.com என்ற இமெயில் முகவரிக்கு ரசிகர்கள் மின்னஞ்சல் அனுப்பலாம். அதில் தங்களது விருப்பங்கள், கேள்விகள், கருத்துக்கள், எண்ணங்கள் ஆகியவற்றை வெளிப்படுத்தலாம்.
என் நேரடிக்கட்டுப்பாட்டில் இயங்கும் இந்த இயக்கத்தின் மூலம் அன்றாடம் உங்களுடன் பேசிக்கொண்டிருப்பேன் மின்னஞ்சல் மூலம் என்று அஜீத் சொல்லியிருக்கிறாராம்.
ரஜினி பாணியில் விஜய்யும், அஜீத்தும் ரசிகர்களை தக்கவைத்துக்கொள்ள மக்கள் மன்றம்- இயக்கம் என்று கிளம்பிவிட்டார்கள் என்கிறது கோடம்பாக்க வட்டாரம்.
கருத்துகள் இல்லை:
கருத்துரையிடுக