ஏன் வேண்டும்?
இன்பத் திராவிடம்!!
மூவர்ணக் கொடி
அறுக்கிறது
தமிழன் தொப்புள்கொடி
உதிர்த்துப் போன பூக்களில்
தேசத் தாயின் திலகத்தில்
வெடித்துச் சிதறிய எம் தாய்களின் சூல்கள்
கருவறைச் சதைகளோடு
கதறல்களுக்கு காதுகளையும்
பிணக்குருதி வாடை சுவாசிக்கவும்
ஆணையிடுகிறது சுதந்திரக் கொடி
அனுமதித்த அளவோடு அழ
மறத்துப் போகாத உணர்வெஞ்சியிருப்பின்
மரித்துப் போகலாம்
இல்லையேல்
மண்டியிடாது கொடி கிழித்துப் போகலாம்
நாளை நம் கொடி
அறுபடாதிருக்க
இன்னும் உறுதிப்படுத்தப்படாத தகவல்களின் அடிப்படையில் பிரபாகரன் குறித்தான அஞ்சலி பதிவுகளை நிறுத்துங்கள். மரியாதை தெரிவிக்கும் சம்பிரதாய சடங்குகளை கொஞ்ச நேரம் தூக்கி எறியுங்கள். பாதுகாப்பு வலையப் பகுதியில் சிக்கியிருக்கும் இன்னும் பல்லாயிரக்கணக்கான உயிர்களை தடயம் இல்லாது கொன்றொழிக்க முனையும் இலங்கை அரசின் நச்சுப் பரப்புரைகளுக்கு இரையாகாதீர்கள். உண்மையை நீண்ட காலத்திற்கு மூடி வைக்க இயலாது. இருள் விலகும். அங்கு உயிருக்குப் போராடிக்கொண்டிருக்கும் உறவுகளுக்காக விடாது குரலெழுப்புவோம். போராடிக் கொண்டிருப்பவர்களை நம் எழுத்துகளால் சாகடிக்க வேண்டாம்.
கருத்துகள் இல்லை:
கருத்துரையிடுக