நான் உங்கள் நண்பன் . எப்படி இருக்கின்றது எனது படம் ?
உண்மையான தமிழர்கள் யார்? என்று நீங்கள் என்னிடம் கேட்டால் நான் அடித்து சொல்லுவேன் அது "ஈழத்தமிழர்கள்" தான் என்று. அந்த வகையில் எனக்கு ஈழத்தமிழர்கள் மீது எப்போதுமே ஒரு தனிப்பாசம் உண்டு. அவர்கள் தான் உலகின் எந்த மூலைக்கு சென்றாலும் தங்களது தாய்மொழியாம் தமிழ்மொழியை பேசுவதற்கு கொஞ்சம்கூட தயங்குவதில்லை. அதே போல் தமிழை சரியாக உச்சரித்து பேசுவதிலும் அவர்கள்தான் முன்னோடிகளாக இருக்கிறார்கள். இங்கே தமிழ்நாட்டில் இருக்கும் தமிழர்களில் எத்தனை பேருக்கு தமிழை சரியாய் உச்சரித்து பேசத்தெரியும்? எத்தனை பேர் தங்கள் வீட்டிலும், நண்பர்களிடத்திலும் தமிழ்மொழியில் பேசுகிறார்கள்.எத்தனை பேர் தங்கள் குழந்தைகளுக்கு தமிழில் பெயர் வைத்திருக்கிறார்கள் இதே நந்தினிக்கு(திருமணம் ஆகியிருந்தால்) அவர் தனது குழந்தைகளை பள்ளியில் சேர்க்க விரும்பினால் அவர் முதலில் தேடுவது ஆங்கிலவழியில் பாடங்களை
சொல்லி கொடுக்கும்பள்ளிகளாகத்தான் இருக்கும். எவன் ஒருவன் தான் எங்கு சென்றாலும் தன்மொழியை பின்பற்றுகிறானோ அவன்தான் உண்மையான பற்றுள்ளவனாக, 100 சதவீதம் உண்மையான இன உணர்வாளனாக இருக்க முடியும்.
"இலங்கை தமிழனை 'திருடன்' என முத்திரையிட்டது இந்திய(?) தமிழன்..
100 சதவீதம் சுத்த தமிழ் ரத்தத்தில் பிறந்த தமிழன்!"
நந்தினியின் பதிவில் இந்த வரிகளை படிக்கும் போது எனக்கு கீழ்க்கண்டவைகள் தான் தோன்றியது ."இங்கே இப்போது தமிழ்நாட்டில் இருப்பவர்கள் எல்லோரும் 100 சதவீதம் சுத்தமான தமிழர்கள் என்று நீங்கள் நினைத்தால் அது உங்கள் முதிர்ச்சி இல்லாத அறிவின் தன்மையை வெளிப்படுத்துவதாகும். "வந்தாரை வாழவைக்கும் தமிழகம்" என்று தமிழன் ஏமாறுவதற்காகவே கண்டுபிடிக்கப்பட்ட வாசகம் இருக்கும்வரை,அதை நாம் பிரபலபடுத்திக்கொண்டிருக்கும் வரை இங்கேயும் கொஞ்சம் கொஞ்சமாக உண்மையான தமிழர்கள் வாழும் இடங்கள் சுருங்கிக்கொண்டே போகின்றன. அவனுக்கான உரிமைகள் கொஞ்சம் கொஞ்சமாக அவனிடமிருந்து பறிக்கப்பட்டுக்கொண்டிருக்கின்றன, மண்ணையும்,மொழியையும் உண்மையாக நேசிப்பவர்கள் வம்படியாக சிறைக்குள் தள்ளப்படுகிறார்கள். அப்படி இருக்கும்போது தமிழ்நாட்டில் மண்ணையும்மொழிகளையும் நேசிப்பவர்களை தவிர, மற்ற தமிழர்களை 100 சதவீதம் சுத்தமான தமிழர்கள் என்று நீங்கள் சொல்வதை என்னால் ஏற்றுக்கொள்ள முடியவில்லை.முதலில் தமிழர்களுக்குள்ளேயே பிரிவினையை உண்டாக்க நினைக்கும் நீங்களே சுத்தமான தமிழர் இல்லை என்று தான் எனக்கு என்ன தோன்றுகிறது. உங்கள் பதிவில் இருக்கும் எழுத்துப்பிழைகளும் அதற்கு சாட்சி. ஒருவேளை நீங்கள் எழுதியது போல் இலங்கை தமிழனை இங்குள்ள தமிழன் திருடனாக நினைத்திருந்தால் அவன் கண்டிப்பாக உண்மையான தமிழனாக இருக்க முடியாது.அப்படி இருக்கும் பட்சத்தில் நீங்களும் ஒரு தமிழ்நாட்டை சர்ந்த உண்மையான தமிழராக இருக்கும் பட்சத்தில் நீங்கள் எழுதிய பதிவின்படி நீங்களும் இந்தியத்தமிழனின் இந்த செயலுக்கு வெட்கித் தலைகுனியத்தான் வேண்டும்.
நீங்கள் சொல்லும் அ.மார்க்ஸ்,ஷோபாசக்தி போன்றவர்களெல்லாம் எழுதுவார்களே தவிர அவர்கள் உருப்படியாக எந்த காரியத்தையும் செய்யமாட்டார்கள். எல்லா வினைகளுக்கும் எதிர்வினை ஒன்றை கண்டுபிடித்து அதை காசாக்கும் எண்ணம் மட்டுமே அவர்களுக்கு இருக்கும். சுருங்க சொல்லப்போனால் அவர்கள் ஒரு எழுத்து வியாபாரிகள் அவ்வளவுதான், இப்படிப்பட்ட சுயநலவாதிகளின் எழுத்தை போய் மேற்கொள்காட்டி எழுதும் உங்களின் அறிவின் தன்மையை நான் என்னவென்று சொல்வது."எரிகிற கொள்ளியில் எண்ணையை ஊற்ற மற்றவர்கள் யாரும் தேவை இல்லை தமிழர் என்ற போர்வையை போர்த்திக்கொண்டு சுற்றி வரும் உங்களை போன்றவர்களே போதும்" தமிழையும், தமிழனை அழிக்க...
இயக்கம்: தாய்முத்து செல்வன்
தயாரிப்பு: மெட்ராஸ் எண்டர்டெய்ன்மென்ட் பி.லிட்
எஸ்.ஜெ.சூர்யா நடிப்பில் நீண்ட இடைவெளிக்கு பிறகு வெளிவந்திருக்கும் படம்.படத்தின் பெயரைப் போலவே திரைக்கதையும் வித்தியாசமாக அமைக்கப்பட்டுள்ளது.
படத்தில் கடிகாரத்தின் நேரம் முக்கிய காட்சிகளாக வைக்கப்பட்டுள்ளதால் படத்திற்கு இந்த பெயரை வைத்திருக்கலாம்.
"ஈகிள்" என்ற தனியார் தொலைக்காட்சியில் நிகழ்ச்சி தொகுப்பாளராக பணிபுரியும் நாயகி சாயாலி பகத். அவர் நடத்தும் "காண்டிட் கேமரா" நிகழ்ச்சியில் அடிக்கடி மாட்டிக்கொள்ளும் நாயகன் எஸ்.ஜெ சூர்யா அவரையே காதலிக்கவும் ஆரம்பித்து விடுகிறார். முதலில் முடியாது என்று சொல்லும் சாயாலி பிறகு சம்மதிக்கிறார். இதற்கிடையே சாயாலி வேலை பார்க்கும் சானலின் உரிமையாளர் ராஜீவ்கிருஷ்ணா தனது சானலில் வேலைபார்க்கும் ஆழகான பெண்களை மடக்கிபோடுவதில் கில்லாடி,அதற்காக அவர் என்ன வேண்டுமானாலும் செய்யக்கூடிய அளவுக்கு எல்லா இடத்திலும் செல்வாக்குமிக்கவர்.அப்படிப்பட்ட காமகொடூரனின் பார்வையில் சிக்குகிறாள் நாயகி சாயாலி. விடுவாரா என்ன? அவளை அனுபவித்த பிறகு கொலை செய்துவிட்டு தூக்குமாட்டிசெத்தது போல் செட்டப் செய்துவிட்டு ஓடிவிடுகிறார்.
ஆனால் அவருக்கு தெரியாமலேயே ஒருதடயம் அங்கு எஸ்.ஜெ.சூர்யா கையில் மாட்டுகிறது, அதை வைத்துக்கொண்டு தனது காதலியை கொன்றவனை காதலி செத்துப்போன அதேநாளில் அதேநேரத்தில் நாயகன் பழிவாங்க புறப்படுகிறார். அவரது லட்சியம் நிறைவேறியதா என்பதே கிளைமாக்ஸ்...
நாயகனாக எஸ்,ஜெ சூர்யா, நல்ல பிரமாதமான நடிப்பு,இயக்குனருக்கான நடிகரைப்போல்சொன்னதைமட்டுமேசெய்திருக்கிறார்.சந்தோஷம்,துக்கம்,
கோபம்,காதல் என எல்லாவித உணர்ச்சிகளையும் வெளிக்காட்டியுள்ளார்.
நாயகியாக HALLABOL,BLADEBABJI,THETRAIN போன்ற ஹிந்தி படங்களில் நடித்த 'சாயாலிபாகத்' முதல் முறையாக இந்தப்படத்தின் மூலம் தமிழுக்கு அறிமுகமாகியிருக்கிறார். ஏற்கனவே நடித்த அனுபவம் இருப்பதால் நடிப்பில் குறைசொல்ல முடியாது. ஆனால் பாடல் உட்பட பலகாட்சிகளில் முன்பக்க மார்பை எடுப்பாக காட்டுவதற்காக வைத்திருக்கும் (BAD) வெளியே எட்டிப்பார்ப்பது படம் பார்க்கும் நம்மை முகம் சுளிக்க வைக்கிறது, இயக்குனர் சொல்ல கூச்சப்பட்டிருந்தாலும் சாயாலியாவது கவனித்து அதை சரி செய்திருக்கலாம்."ஆகா"என்ற படத்தில் நாயகனாக நடித்த ராஜீவ்கிருஷ்ணா இந்தப்படத்தில் வில்லனாக நடித்திருக்கிறார், அளவுக்கு அதிகமான காட்டுக்கத்தல் கத்துவது, எதற்கெடுத்தாலும் சண்டைபோடுவது, டாடா சுமோவில் சுற்றுவது, என்று வழக்கமான மசாலாப்படங்களில் வரும் வில்லனைப்போல் இல்லாமல் வித்தியாசமான வில்லனாக வருகிறார்.கிளைமாக்சில் மட்டுமே கொஞ்சம் கத்துகிறார்.
வினையின் இசை பின்னணிக்கு பெரிதும் உதவி இருக்கிறது.
சிதம்பரத்தின் கதைக்கு திரைக்கதை,எழுதிபடத்தை இயக்கியிருக்கிறார் தாய்முத்து செல்வன். ஆரம்பம்முதல் இறுதிவரை ரசிகர்கள் எதிர்பார்க்காத திருப்பங்களை வைத்து படத்தை பர,பரவென்றுகொண்டு செல்கிறார்.
"எப்போதோ சானலில் நிறுத்தப்பட்டுவிட்ட காண்டிட் கேமரா நிகழ்ச்சி, அனாதையான நாயகி, நாயகன்,நாயகி மட்டுமே உதவி செய்யும் ஆசிரமம் போன்ற வழக்கமான காட்சிகளை தவிர்த்திருக்கலாம். மற்றபடி படம் விறுவிறுப்பு குறையாமல் செல்கிறது.
1.அவருடைய 29 வயதிலேயே அரசியலுக்கும் தைரியமாக நுழைந்து, அதுவும் எந்த அரசியல் கட்சியிலும் சேராமல் சுயேட்சையாக போட்டியிடுவது.
2.அவருடைய சிந்தனைகளில் முகமூடி போட்டுக்கொண்டு மக்களிடம் பொய்யான வாக்குறுதிகளை கொடுக்கும் மற்ற அரசியல்வாதிகளில் போலித்தனமான எண்ணங்கள் இல்லை
இந்த இரண்டு விஷயங்களும் அவருடைய பேட்டிகளில் பிரதிபலிப்பதை உணரமுடிந்தது, வருங்கால இந்தியா இளைஞர்களின் கையில் என்று அரசியல்வாதிகள் சொல்வார்கள். ஆனால் அரசியலில் அவர்கள் இளைஞர்களை சேர்த்துக்கொள்ள மாட்டார்கள். இந்த வேளைகளில் சரத்பாபு போன்ற இளைஞர்களுக்கு நாம் ஆதரவு தருவது உண்மையிலேயே அரசியலிலும் இளைஞர்கள் பங்குபெறுவதற்கு கதவை திறந்துவிட்டது போலாகும்.அப்படி இளைஞர்கள் வரும்பட்சத்தில் அரசியல் சாக்கடை சுத்தமாக்கப்படும், அப்படி சுத்தப்படுத்தப்படும் போது நாடும் சுபீட்சமாகும், ஆங்கிலப்படங்களில் எப்படி முகமூடி போட்டுக்கொண்டு ஸ்பைடர்மேன் நாட்டு மக்களை காப்பாற்றுவாரோ? அதேபோல் இவர் முகமூடி போட்டு கொள்ளாமல் நாட்டு மக்களுக்கு நல்லது செய்வார் என்று நம்புவோம்
அதனால் நாம் சரத்பாபு போன்ற இளைஞர்களை தாராளமாக ஆதரிக்கலாம்.
ஐம்பது ஆண்டுகால இந்தியாவை பல அரசியல்கட்சிகள் ஆண்டுவந்துகொண்டிருக்கின்றன, ஆனால் எந்தக்கட்சியும் மக்களுக்கு உருப்படியான எந்த பணிகளையும் செய்யவில்லை.இன்றும் கூட நல்லசாலைவசதிகள் இல்லாத ஊர்கள் இருக்கின்றன, மின்சாரவசதிகள் இல்லாத ஊர்கள் இருக்கின்றன,குடிதண்ணீர் வசதி இல்லாத ஊர்கள் இருக்கின்றன, குடிக்கின்ற தண்ணீரை கொள்ளைவிலை காசு கொடுத்து குடிக்கின்ற நிலை வந்துவிட்டது, சாப்பிடுகின்ற அரிசியின் விலை நாளுக்கு நாள் கூடிக்கொண்டே போகிறது, ஆனால் ஆளும்அரசுகள் கார்களின் விலைகளை குறைக்கின்றன.
இப்படி எல்லா வகைகளிலும் நாட்டுமக்களை ஏமாற்றும் அரசியல்வாதிகளை தண்டிக்க இந்திய அரசியல் சட்டத்தில் எந்த சட்டமும் இல்லை,அப்படியே இருந்தாலும் சட்டத்தின் ஓட்டைகளை பயன்படுத்தி மிக எளிதாக தப்பித்து வந்துவிடுகிறார்கள். யாராவது எதிர்த்து கேள்வி கேட்டால் அவர்களுடைய உயிருக்கு உத்திரவாதம் இருப்பதில்லை. அதனாலேயே மக்கள் எந்த கேள்விகளையும் கேட்காமல் வாய்மூடி மௌனியாகி விடுகிறார்கள்.
மொத்தத்தில் தாம் அரசியல்வாதிகளால் ஏமாற்றப்படுகிறோம் என்று நாட்டு மக்கள் உணர ஆரம்பித்துவிட்டார்கள்,அரசியல்வாதிகளின் இந்த அரஜகபோக்கை கண்டித்து தங்கள் எதிர்ப்பை ஏதாவதொரு வகையில் காட்ட வேண்டும் என்று நினைக்கிறார்கள். அதன் வெளிப்பாடாக அண்மைக்காலமாய் நடக்கும் "ஷூ'வீச்சு சம்பவங்களை சொல்லலாம்.ஆனால் அரசியல்வாதிகள் இதுபோன்ற சம்பவங்களை சட்டம் ஒழுங்கு பிரச்சனையோடு ஒப்பிட்டு பேசுகிறார்கள்,இந்த கலாச்சாரத்தை உடனடியாக தடுத்து நிறுத்த வேண்டும் என்று அலறுகிறார்கள், ஆனால் எந்த கட்சி ஆட்சிக்கு வந்தாலும் "ஏன்? மக்கள் அவ்வாறு நடந்துகொள்கிறார்கள் என்று யோசிக்க மாட்டார்கள் மாறாக இனி பொதுக்கூட்டங்களில் "ஷூ"வீசினால் ஐந்தாயிரம் அபராதம்,அல்லது பத்தாண்டுகள் சிறை" என்ற ரீதியில் புதிதாக சட்டங்களை போட்டு மக்களை மேலும் மேலும் அடக்கி,ஒடுக்கவே நினைப்பார்கள்.
காங்கிரஸ் கட்சியின் பொதுச்செயலாளர் ராகுல்காந்தி அரியானா மாநிலத்தில் தேர்தல் பரப்புரையில் ஈடுபட்டிருந்தபோது "பாரதியஜனதா கட்சி தனது ஆட்சி காலத்தில் விவசாயிகளுக்கு எந்த நன்மையும் செய்யவில்லை,காங்கிரஸ்கட்சி "தேசிய கிராமப்புற வேலைவாய்ப்புதிட்டம்,கடன் நிவாரண திட்டம்" போன்ற ஏராளமான முன்னோடி திட்டங்களை நிறைவேற்றி இருக்கிறது .என்று விவசாயிகளின் நலனில் அக்கறை உள்ளதுபோல் அவரது மனசாட்சியையே உறுத்தும் வகையில் கடைந்தெடுத்த முழுப் பொய்களை மேடைபோட்டு பேசினார். பாரதியஜனதா கட்சி என்ன? செய்தார்கள் என்பது ஒருபுறம் இருக்கட்டும், கடந்த ஐந்தாண்டுகளாக ஆட்சி செய்த இவர்கள் விவசாயிகளுக்கு என்ன செய்து கிழித்து விட்டார்கள் என்பதை தொடர்ந்து படியுங்கள்...ஒரு நாட்டின் பொருளாதாரமுன்னேற்றம் விவசாயிகளின் கையில்தான் உள்ளது,நாட்டின் முதுகெலும்பே அவர்கள்தான் என்று சொல்வார்கள்.
"உழுதுண்டு வாழ்வாரே வாழ்வார்மற் றெல்லாம்
தொழுதுண்டு பின்செல் பவர்"
என்று வள்ளுவர் தனது அதிகாரங்களில் கொடுத்த இடம் கூட இப்போது நாட்டில் விவசாயிகளுக்கு இல்லை. இந்திய உழவுத்தொழிலின் இன்றைய நிலை மிகவும் பரிதாபத்துக்குரியதாக இருக்கிறது. இன்று விவசாயமும்,விவசாயிகளின் வாழ்க்கைத்தரமும் அதல பாதாலத்துக்குள் சென்றுள்ளது, குறிப்பாக விவசாய நாடான இந்தியாவில் விவசாயம்தொடர்ந்து புறக்கணிக்கப்பட்டு வருகிறது. காராணம் காங்கிரஸ் அரசினால் அளவுக்கு அதிகமாக கட்டவிழ்த்து விடப்பட்ட "தாராளமயமாக்கள்" தான்.
"சிறப்பு பொருளாதாரமண்டலம்" என்ற பெயரில் விவசாயநிலங்களை அபகரித்து நாட்டை அழிவுப்பாதைக்கு கொண்டு செல்லும் முயற்சியை தான் இந்த காங்கிரஸ் அரசு செய்தது.அதற்கு உதாரணமாக உத்திரப்பிரதேச மாநிலத்தில் டாட்டா தொழிற்சாலை விவகாரம் உட்பட பல உதாரணங்களை சொல்லலாம்.குறிப்பாக கடந்த ஐந்தாண்டுகளில் வறுமை,மற்றும் கடன் தொல்லை தாங்காமல் தற்கொலை செய்துகொண்ட விவசாயிகளின் எண்ணிக்கை பல ஆயிரங்களை தாண்டியுள்ளது .
அரிசி, கோதுமை,உருளை,கரும்பு,வாழை,பட்டாணி என்று நாம் சாப்பிடும் எல்லா விவசாய பொருட்களும் வரலாறு காணாத வகையில் விலை உயர்ந்துள்ளது. அவ்வளவு ஏன்? ஒரு மாநில அரசே ரேஷன் கடைகளில் மளிகை பொருட்களை சந்தையைவிட குறைந்த விலையில் கொடுக்க வேண்டிய அவலநிலை நடைபெற்றுக் கொண்டிருக்கிறது.
கிரிக்கெட்டில் வெற்றிபெற்றுவிட்டால் பேட்டை பிடித்தவனுக்கும்,பந்தை எரிந்தவனுக்கும் வரிவிலக்கு, பலகோடிருபாய் பரிசுகள்,வாழ்நாள் முழுவதும் புகைவண்டியில் இலவசபயணம், இலவச வீடு,என்று மக்களின் பலகோடி ரூபாய்களை வாரி வழங்கிய இந்தஅரசு அதில் ஒருசில கோடிகளையாவது விவசாயத்திற்கு பயன்படுத்தியதுண்டா..? கிரிக்கெட்டில் தோற்று விட்டால் ஏதோ அவர்கள் வீட்டில் இழவு விழுந்துவிட்டதை போல் துக்கம் விசாரிக்கும் இவர்கள் என்றைக்காவது ஒரு விவசாயியின் வீட்டுக்கு சென்று கண்ணீரில் மிதக்கும் அவனுடைய வாழ்க்கைமுறையை பார்த்ததுண்டா..?
எங்கள் கிராமம் விற்பனைக்கு,வறுமையால் சிறுநீரகத்தை விற்கும் கிராம மக்கள், விவசாயிகள் நூதன போராட்டம், கடன் தொல்லை தாங்காமல் விவசாய குடும்பமே தற்கொலை என்று வாரத்தில் ஐந்து நாட்களாவது நாம் விவசாயிகளின் துயரங்களை செய்திகளாக படிக்கிறோமே?இதுதான் இந்தியாவின் பொருளாதார வளர்ச்சியா..? இதுதான் உங்கள் காங்கிரஸ் கட்சி செய்த முன்னோடி திட்டங்களா..? அவ்வளவு ஏன்? விவசாய அமைச்சராக இரு சரத்பவார் என்றைக்காவது அந்த வேலையை முழுமையாக செய்த துண்டா? இங்கு விவசாயிகள் செத்துக்கொண்டிருக்கும் நேரத்தில் அங்கே அவர் கிரிக்கெட்கேனையர்களுடன்சிரித்தவாறு"போஸ்"கொடுத்துக்
கொண்டிருப்பார்.விவசாயிகளுக்கு கடன் கொடுப்பதாக சொல்கிறீர்கள், ஏன்? விவசாயம் வளர்ச்சி கண்டிருந்தால், அல்லது அதை முன்னேற்ற நீங்களாவது ஏதாவது முயற்சிகளை எடுத்திருந்தால் அவர்களுக்கு கடன் கொடுக்க வேண்டிய அவசியமே இருந்திருக்காதே..?
நாட்டின் முதுகெலும்பான விவசாயிகளின் உயிர் உங்களுக்கு மலிவாகி விட்டது; அவர்களுடைய உடல்உறுப்புகள் நீங்கள் சாப்பிட கறித்துண்டுகளாக மாறி விட்டது மொத்தத்தில் நாடே அழிவின் விளிம்புக்கு சென்று கொண்டிருக்கிறது, இந்நிலையில், நாடு நாலுகால் பாய்ச்சலில் முன்னேறிக் கொண்டிருப்பதாக நீங்கள் அவிழ்த்துவிடும் அண்டப் புளுகை இன்னமும் நம்பிக் கொண்டிருக்க விவசாயிகள் என்ன கே கூ.வா..? இருந்தாலும் சொல்லுங்கள் இன்னும் எவ்வளவு வேண்டுமானாலும்,எத்தனை காலங்களுக்கு வேண்டுமானாலும் பொய்களை சொல்லுங்கள், ஒரு காலகட்டத்தில் நீங்கள் ஆசைப்பட்டது போலவே ஒரு விவசாயி கூட
உங்கள் பேச்சை கேட்க உயிரோடு இருக்க மாட்டான், பிறகு விவசாயமே அழிந்தபிறகு அவன் மட்டும் இருப்பானா என்ன?
.
கருத்துகள் இல்லை:
கருத்துரையிடுக