2009-05-04

அம்மா

by Chill-Peer

நான் மழையில் நனைந்துவந்த ஒரு நாள்,

அண்ணன் அதட்டுகிறான், ' ஏன் குடை கொண்டுபோகவில்லை?'

அக்கா அறிவுருத்துகிறாள், 'மழை நின்ற பிறகு வந்திருக்கலாமே?'

தந்தை திட்டுகிறார், 'உடம்புக்கு ஏதாவது ஆன பிறகுதான் அறிவுவரும்'

அம்மா மட்டும்தான்,'என் தலை துவட்டியவாறே, அறிவுகெட்ட மழை… என் மகன் வீடு வரும் வரை பொறுத்திருக்க கூடாதா?' என்றாள்.

அதுதான் அம்மா…


****************************************************

Chill: அம்மான்னா அப்டித்தான் யோசிக்கணுமோ?

****************************************************

அன்பார்ந்த வாக்காள பெருங்குடிமக்களே..

ஒங்க பொன்னான வாக்குகள்ல ஒண்ண எனக்கும் க்ளிக்குங்க......

முத்தமிழ் வித்தகர் சுவாமி விபுலாநந்தர்

கிழக்கிலங்கையில் மட்டக்களப்பின் தெற்கே கல்முனைப் பிரதேசத்துக்கு அருகேயான காரைதீவைப் பிறப்பிடமாகக் கொண்டவர் சுவாமி விபுலாநந்தர்.
இவர் 1892 03.27ஆம் திகதி திரு.சாமித்தம்பிக்கும் திருமதி கண்ணம்மை சாமித்தம்பிக்கும் மகனாகப் பிறந்தார்.
இவரின் இளமைப் பெயர் மயில்வாகனன் ஆகும்.
ஆரம்பக் கல்வியை கல்முனை மெதடிஸ்த ஆங்கிலப் பாடசாலையிலும், பின்னர் மட்டக்களப்பு புனித மிக்கேல் கல்லூரியிலும் கற்றார்.
கேம்பிறிச் சீனியர் பரீட்சையில் சித்தியடைந்து  புனித மிக்கேல் கல்லூரியில் ஆசிரியராக சேவையாற்றினார்.
கொழும்பிலுள்ள ஆசிரியர் பயிற்சிக் கல்லூரியில் சேர்ந்து அங்கு விரிவுரையாளராயிருந்த தென்கோவை கந்தையாபிள்ளையிடம் பண்டைய தமிழ் இலக்கியத்தைக் திறம்படக் கற்றார்.
தமிழ், ஆங்கிலம் மற்றும் வடமொழி போன்றவற்றில் புலமைத்துவம் பெற்றவராகத் திகழ்ந்தார்.
யாழ்ப்பாணம், மட்டக்களப்பு மற்றும் கொழும்பிலும் ஆசிரியராகக் கடமை புரிந்ததுடன், யாழ்ப்பாணம் மானிப்பாய் இந்துக் கல்லூரியில் முதல் அதிபராகவும், இலங்கை பல்கலைக் கழகத்தின் பேராசிரியராகவும்சுவாமி விபுலாநந்தர் கடமை புரிந்தார்.
தமிழ் மொழி வளர்ச்சிக்காக "யாழ்ப்பாணம் ஆரிய திராவிட பாஷா அபிவிருத்திச் சங்கம்"  அமைத்து தமிழை வளர்த்தார்.

இச் சங்கத்தின் மூலம் பிரவேசப் பண்டிதர், பாலபண்டிதர் மற்றும் பண்டிதர் என மூன்று தேர்வுகளை ஏற்படுத்தி பல வித்தகர்களின் உருவாக்கத்துக்கு காரணமாய் இருந்தார்.
துறவறத்தில் ஏற்பட்ட ஈர்ப்பின் காரணமாக ஆசிரியப் பதவியைத் துறந்து, 1922 ஆம் ஆண்டில் இராமகிருஷ்ண மிஷனில் சேர்ந்து இந்தியாவின்  சென்னைக்குச் சென்று மயிலாப்பூர் மடத்தில் பிரபோத சைத்தன்ய பிரிவில் பிரமச்சரிய தீட்சை, சந்நியாச தீட்சையை சுவாமி சிவானந்தரிடம் பெற்றார்.
இராமகிருஷ்ண மிஷன் நடத்திய "இராம கிருஷ்ண விஜயம், Vedanta Kesari" எனும் தமிழ், ஆங்கில சஞ்சிகைகளுக்கு ஆசிரியராக இருந்து பல அரிய கட்டுரைகளை எழுதினார்.
மதுரைத் தமிழ்ச்சங்கம் நடத்திய பண்டித பரீட்சையின் பரீட்சார்த்தகராக இருந்ததுடன், தமிழ்ச்சங்க வெளியீடான "செந்தமிழ்"எனும் சஞ்சிகையில் பல இலக்கியக் கட்டுரைகளை எழுதி வந்தார்.
ஷேக்ஸ்பியரின் நாடகங்களை மையமாகக் கொண்டு அவர் எழுதிய பல திறனாய்வுக் கட்டுரைகள் "மதங்க சூளாமணி" யில் இடம் பெற்றுள்ளன.
1924 ஆம் ஆண்டு சித்திரா பௌர்ணமியன்று சுவாமி சிவானந்தரினால் சுவாமி விபுலாநந்தர் என்று துறவறப் பெயர் பெற்றார்.
1943 ஆம் ஆண்டு இலங்கைப் பல்கலைக் கழகத் தமிழ்த் துறையின் முதலாவது பேராசிரியராகப்  பணிபுரிந்தார்.
15 வருட ஆய்வின் பயனாக தமிழர்களின் இசைத் தமிழ் பற்றிய "யாழ்நூல்" எழுதி 1947 ஆம் ஆண்டு ஆனித் திங்களன்று தமிழகத்தின் திருக்கொள்ளம், புதூர்த் திருக்கோயிலின் திருஞானசம்பந்தர் சந்நிதானத்தில் யாழ்நூலை அரங்கேற்றினார்.

யாழ்நூல் அரங்கேற்றத்தின் பின் நாடு திரும்பிய சுவாமி விபுலாநந்தர் சுகவீனமுற்று 1947 ஆம் ஆண்டு ஆடி மாதம் 19 ஆம் நாள் சனியன்று இரவு இறையடி எய்தினார்.

விபுலநந்த அடிகள் ஸ்தாபித்த மட்டக்களப்பு சிவானந்தா வித்தியாலயத்தின், முன்னாலுள்ள சமாதியில் 55 வருடங்கள் வாழ்ந்த அவரது பூதவுடல் நல்லடக்கம் செய்யப்பட்டுள்ளது.

ஈசன் உவர்க்கும் இன்மலர்கள்
"  வெள்ளை நிற மல்லிகையோ வேறெந்த மாமலரோ
வள்ளல் அடியிணைக்கு வாய்த்த மலரெதுவோ
வெள்ளை நிறப் பூவுமல்ல வேறெந்த மலருமல்ல
உள்ளக் கமலமடி உத்தமனார் வேண்டுவது.

காப்பவிழ்ந்த தாமரையோ கழுநீர் மலர்த்தொடையோ
மாப்பிள்ளையாய் வந்தவர்க்கு வாய்த்த மலரெதுவோ
காப்பவிழ்ந்த மலருமல்ல கழுநீர்த் தொடையுமல்ல
கூப்பியகைக் காந்தளடி கோமகனார் வேண்டுவது.

பாட்டளிசேர் பொற்கொன்றையோ பாரிலில்லாக் கற்பகமோ
வாட்ட முறாதவற்கு வாய்த்த மலரெதுவோ
பாட்டளிசேர் கொன்றையல்ல பாரிலில்லாப் பூவுமல்ல
நாட்டவிழி நெய்தலடி நாயகனார் வேண்டுவது."

(விபுலாநந்த அடிகள்)

கொழும்பு நகரில் திடீர் வானூர்தி ...

தமிழீழ விடுதலைப் புலிகளிடம் வேறு வானூர்திகள் எதுவும் தற்போது இல்லை என சிறிலங்கா இராணுவத் தரப்பினர் இரண்டு நாட்களுக்கு முன்னர் தெரிவித்திருந்த அதேவேளையில் கொழும்பு நகரில் வானூர்தி பாதுகாப்பு ஒத்திகை இன்று திடீரென நடத்தப்பட்டிருப்பது மக்கள் மத்தியில் பதற்றத்தை ஏற்படுத்தியிருக்கின்றது.

கடற்படையின் இரு நீரூந்து ...

முல்லைத்தீவு கடற்பரப்பில் இருந்து முள்ளிவாய்க்கால் பகுதியில் உள்ள மக்கள் வாழும் இடங்களை நோக்கி எறிகணைத் தாக்குதல்களை நடத்திக்கொண்டிருந்த சிறிலங்கா கடற்படையினரின் றொக்கட் ஆட்டிலறிகளைப் பொருத்திய இரண்டு நீரூந்து விசைப்படகுகள் இன்று (திங்கள்) அதிகாலை கடற்புலிகளால் தாக்கி அழிக்கப்பட்டுள்ளது. இது தொடர்பாக விடுதலைப் புலிகளின் வன்னி சமர் கட்டளைப் பீடம் தெரிவித்துள்ளதாவது :

அவுஸ்திரேலியாவில் மீண்டும் உண்ணாநிலைப் போராட்டம்

by ♥ தூயா ♥ Thooya ♥

அவுஸ்திரேலியாவில் மீண்டும் உண்ணாநிலைப் போராட்டம்

[திங்கட்கிழமை, 04 மே 2009, 08:47 மு.ப ஈழம்] [சி.கனகரத்தினம்]

தமிழர் தாயகத்தில் சிறிலங்கா அரசாங்கம் நடத்திவரும் இனப்படுகொலையை உடனடியாக நிறுத்தக்கோரியும் உடனடி போர் நிறுத்தத்தினை வலியுறுத்தியும் அவுஸ்திரேலியா மற்றும் அனைத்துலகத்தின் தாயக தமிழர்களுக்கு எதிரான மௌனத்தை கண்டித்தும் அவுஸ்திரேலியாவில் சுதாகரன் தனபாலசிங்கம் மீண்டும் உண்ணாநிலைப் போராட்டத்தினை தொடங்கியுள்ளார்.

நியூ சவுத்வேல்ஸ் மாநிலம் சிட்னியில் உள்ள பரமற்றா எனும் இடத்தில் நேற்று ஞாயிற்றுக்கிழமை பிற்பகல் 12:00 மணியில் இருந்து 27 வயதுடைய சுதாகரன் தனபாலசிங்கம் என்ற இளைஞர் காலவரையறையற்ற உண்ணாநிலைப் போராட்டத்தை தொடங்கினார்.


- உடனடி போர் நிறுத்தம் நடைமுறைப்படுத்த வேண்டும்

- வன்னியில் இருக்கும் தமிழ் உறவுகளுக்கு அத்தியாவசியமான உணவு, தண்ணீர் மற்றும் அடிப்படைத் தேவைகள் பூர்த்தியாக்க வேண்டும்

- வன்னியில் உள்ள மக்களுக்கு மருத்துவ உதவி உடனடியாக சேர்ப்பிக்கப்பட வேண்டும்

- தமிழ் மக்கள் சுதந்திரமாக தங்கள் இருப்பிடங்களை தேர்ந்தெடுக்க அனுமதி கொடுக்கப்பட வேண்டும்

ஆகிய நான்கு அம்ச கோரிக்கையை வைத்தே இவர் தனது உண்ணாநிலைப் போராட்டத்தை தொடங்கியுள்ளார்.

தொடர்ந்து வாசிக்க: புதினம்

போர் நிறுத்தம் கோரவில்லை இந்தியா: கோத்தபய ராஜபட்ச

by தமிழ்குறிஞ்சி

இலங்கையில் போர்நிறுத்தம் செய்வது குறித்து இந்திய அதிகாரிகள் வலியுறுத்தவில்லை என்று இலங்கை பாதுகாப்புத் துறை செயலரும், அதிபர் ராஜபட்சவின் சகோதரருமான கோத்தபய ராஜபட்ச தெரிவித்தார்.

இந்திய தேசிய பாதுகாப்பு ஆலோசகர் எம்.கே.நாராயணன், வெளியுறவுத் துறைச் செயலர் சிவசங்கர் மேனன் ஆகிய இருவரும் கடந்த மாதம் 24-ம் தேதி இலங்கைக்கு திடீர் பயணம் மேற்கொண்டனர். அதிபருடன் அவர்கள் பேச்சு நடத்தினர்.

அவருடன் நடத்திய பேச்சு குறித்து விவரம் எதுவும் அப்போது தெரிவிக்கப்படவில்லை. இந்நிலையில் "சண்டே அப்சர்வர்' பத்திரிகைக்கு கோத்தபய ராஜபட்ச அளித்த பேட்டி ஞாயிற்றுக்கிழமை வெளியாகியுள்ளது. அதில் சண்டை நிறுத்தம் தொடர்பாகவோ அல்லது விடுதலைப் புலிகளுக்கு எதிரான ராணுவ தாக்குதலை நிறுத்துவது குறித்தோ இந்திய அதிகாரிகள் வற்புறுத்தவில்லை. அரசின் கட்டுப்பாட்டு பகுதிகளுக்கு இடம்பெயர்ந்த தமிழர்களுக்கு மனிதாபிமான உதவிகள் வழங்குவது தொடர்பாகவே அவர்கள் பேச்சு நடத்தியதாக கோத்தபய ராஜபட்ச தெரிவித்துள்ளார்.
மேலும் படிக்க