tamil tamilveli.com politics cinema blog 2008-11-05

Obama First African American president

by தமிழ் சசி / Tamil SASI

வாழ்த்துக்கள் ஒபாமா

அமெரிக்காவின் முதல் கறுப்பர் இன ஜனாதிபதியாக தேர்ந்தெடுக்கப்பட்டிருக்கும் ஒபாமாவிற்கு வாழ்த்துக்கள். மாற்றம் (CHANGE) என்ற அசைக்க முடியாத கோஷத்தை ஆரம்பத்தில் இருந்து இறுதி வரை மக்கள் மத்தியில் ஒபாமா முன்வைத்தார். அந்த மாற்றம் என்ற கோஷம் ஒபாமாவை வெற்றி பெற வைத்திருக்கிறது.

கறுப்பர் இன மக்களின் உணர்ச்சிபூர்வமான உற்சாகத்துடன் அமெரிக்காவில் கொண்டாடங்கள் தொடங்கியுள்ளன. இந்த வெற்றி எந்தளவுக்கு உணர்ச்சிபூர்வமானது என அறிய வேண்டும் என்றால் அமெரிக்காவில் கறுப்பர்கள் எதிர்கொண்ட ஒடுக்குமுறையை திரும்பி பார்க்க வேண்டும்.

கடந்த மாதம் அமெரிக்காவின் டெக்சஸ் மாநிலத்தில் ஹூஸ்டன் விமான நிலையத்தில் இருந்து ஹோட்டலுக்கு செல்லும் பொழுது என்னுடைய டாக்சி டிரைவராக வந்த ஒரு கறுப்பர் இனத்தவருடன் இந்த தேர்தல் குறித்து பேசிக்கொண்டிருந்தேன். ஒபாமா வெற்றி பெற்று வெள்ளை மாளிகையில் நுழைந்தால் அது கறுப்பர்கள் இனத்தவர் அடையும் மிகப் பெரிய வெற்றியாக இருக்கும் என்றார். தன்னை பலர் "Nigger" என அழைத்து இருக்கிறார்கள். ஒபாமா வெள்ளை மாளிகையில் நுழையும் பொழுது மிகப் பெருமையாக உணர்வேன் என்றார். ஜெசி ஜாக்சன் சாதிக்க முடியாததை ஒபாமா சாதித்து விட்டார் என்றார். நிச்சயம் ஜனாதிபதியாவார் என்றார்.

இப்படி பல கறுப்பர்கள் ஒபாமாவின் வெற்றியை ஆவலுடன் எதிர்பார்த்து இருந்தனர். இன்று அந்த வெற்றி கிடைத்து இருக்கிறது.

ஜெசி ஜாக்சன் இன்று ஒபாமா வெற்றி பெற்றார் என்ற அறிவிப்பு வெளியானவுடன் கண்ணீர் விட்டு அழுதார். 1984, 1988 தேர்தலில் ஜனநாயக்கட்சியின் சார்பாக ஜனாதிபதி தேர்தலுக்கான முன்னேட்ட தேர்தலில் வேட்பாளராக நின்று ஜெசி ஜாக்சன் தோற்றுப் போனார்.

ஒரு கறுப்பரால் ஒரு முக்கிய தேர்தலை வெற்றி பெறவே முடியாது என கறுப்பர்கள் நம்பினர். அந்த காரணத்தாலேயே ஒபாமாவை இந்த தேர்தலின் தொடக்கத்தில் பெரும்பான்மையான கறுப்பர்கள் ஆதரிக்கவில்லை. தோற்கப்போகும் ஒபாமாவை எதற்கு ஆதரிக்க வேண்டும் என பெரும்பாலான கறுப்பர்கள் நினைத்தனர். அதனால் அவர்கள் ஆரம்பத்தில் ஹில்லரியையே ஆதரித்தனர். ஆனால் ஒபாமா அயோவா தேர்தலில் வெற்றி பெற்றவுடன் ஒபாமா பின் கறுப்பர்கள் அணிவகுத்தனர். இன்று ஒபாமா வெள்ளை மாளிகையில் நுழையப் போகிறார்.

வெள்ளை மாளிகை என்பது அமெரிக்க வெள்ளையர்களின் அதிகாரபீடமாகவே பெரும்பான்மையான கறுப்பர்கள் கருதினர். வெள்ளை மாளிகையில் ஒரு கறுப்பர் நுழைவதை இன்றைக்கும் பல வெள்ளையர்களால் ஏற்றுக்கொள்ள முடியாத சூழல் உள்ளது. பல வலதுசாரிகளால் ஒபாமா ஜனாதிபதி என்பதை ஜீரணிக்க பல காலம் ஆகும். இன்றைக்கும் அமெரிக்காவின் தென்பகுதிகளில் அமெரிக்க வலதுசாரிகள் பலமாகவே வெற்றி பெற்றிருக்கின்றனர். வயதானவர்கள், வெள்ளை ஆண்கள் மத்தியில் ஒபாமாவின் ஆதரவு தளம் குறைவாகவே உள்ளது. ஆனால் இளைஞர்கள் மத்தியில் கிடைத்த பலமான ஆதரவு தான் ஒபாமாவை வெற்றி பெற வைத்திருக்கிறது.

*******

ஒபாமா அதிகபட்ச எதிர்பார்ப்புகளுடன் ஜனாதிபதியாகிறார். ஆனால் அவர் முன் பலமான சவால் உள்ளது. அமெரிக்காவின் பொருளாதாரம் சிதைந்து போய் உள்ளது. அமெரிக்காவின் முதலாளித்துவ சந்தைப் பொருளாதாரம் மாற்றத்தை எதிர் நோக்கியுள்ளது. அமெரிக்க முதலாளித்துவ பாதை எதிர்காலத்தில் நிச்சயம் மாறும். மாறியே தீர வேண்டிய சூழ்நிலை உள்ளது.

ஒபாமா ஒரு அசாதாரணமான சூழ்நிலையில் அமெரிக்க ஜனாதிபதியாகிறார். பலமான எதிர்பார்புகளுடன் உலக அரசியலில் பதவியேற்றவர்கள், அந்த நம்பிக்கையை நிறைவேற்றியதில்லை.


ஒபாமா நிறைவேற்றுவாரா ? ஒபாமாவிற்கு நிறைய அவகாசம் வேண்டும். ஒபாமாவின் தலைமைப் பண்புகள் மிகவும் அரிதானது. அவருடைய பல கருத்துக்கள் இது வரை அமெரிக்க அதிகாரபீடம் முன்வைத்ததில் இருந்து மாறுபட்டது. அந்த மாற்றம் தான் ஒபாமா மீதான மக்களின் நம்பிக்கையையும் அதிகரித்து இருக்கிறது.

ஒரு புதிய தொடக்கம் அமெரிக்காவில் ஏற்படும் என நம்பிக்கையுடன் காத்திருக்கும் பல அமெரிக்க மக்களுக்கும், கறுப்பர் இன மக்களுக்கும், என்னுடைய வாழ்த்துக்கள்...

ஈழம் என்ன தான் தீர்வு உங்கள் கருத்துக்கள் தேவை!

by We The People

நண்பர்களே என் முந்தய பதிவில் இந்தியா ஈழப்பிரச்சனையில் என்ன செய்யலாம் என சில கருத்துக்களை முன் வைத்திருந்த்தேன். இது போல வெட்டியா உண்ணாவிரதம், மனித சங்கிலி, மேடை போட்டு பேசுவது என்று இல்லாமல் ஆக்க பூர்வமாக எதை செய்தால் ஈழப்பிரச்சனையில் நல்ல தீர்வு வரும் என்ற கருத்தை சொல்லுங்களேன்!

என் கருத்துக்கள் இதோ!


இந்த ஈழதமிழர்களுக்கு இன்று உணவு காசும் முக்கியமல்ல.... நிம்மதியா வாழ்க்கையும், வாழ்விடமுமே. அதை இந்தய அரசால் தான் பெற்றுத் தரமுடியும். நீங்க கொடுக்கும் 700 டன் உணவு பொருள் உப தேவைகளே தான் முக்கிய தேவைகள் அல்ல...

1. இந்தியா இந்த விசயத்தை ஐ.நா சபைக்கு கொண்டு செல்ல வேண்டும், அங்கே வைத்து இலங்கை அரசு, விடுதலை புலிகள், ஏனைய போராட்ட குழுக்கள் என அனைவரையும் ஒரு ஒருமித்த கருத்துக்கு கொண்டுவர வேண்டும். அந்த முடிவுகளை பாதுகாக்க ஒரு ஐ.நா படை அங்கே அமர்ந்த பட வேண்டும்.

2. பாதுகாப்புக்கு இந்தியா ராணுவம் அனுப்பக்கூடாது! ஐக்கிய நாடுகளின் படை மட்டுமே அங்கே செல்ல வேண்டும். இந்திய அரசு மேற்பார்வைக்கு மட்டுமே உதவ வேண்டும்.

பதவியில் உள்ளவர்களே!!! இவை எவையும் முடியாதெனில் குறைந்த பட்சம் ஈழத்தில் இருந்து தப்பிவர கூட காசு இல்லாமல் தவிக்கு (ஒரு உயிரை காப்பாற்ற சுமார் பதினைந்தாயிரம் ரூபாய் வரை வசூலிக்கபடுகிறதாம் அது கை குழந்தையாயினும் ) மக்களை இங்கே இருந்து ஒரு கப்பல் அனுப்பி கொண்டுவந்து இப்போது ஈழ தமிழர்களுக்காக கிடைக்கும் கோடிக்கணக்கான நிதி வைத்து நல்ல வசதியாவது செய்து தாருங்கள்!! தயவு செய்து அவர்களை மனிதர்களாக வாழ வையுங்கள்!

உங்கள் கருத்துக்களை பின்னூட்டத்தில் எழுதவும்.

நன்றி

டிரெண்ட் மைக்ரோ இணையப் பாதுகாவலன் 3 ஆண்டுகளுக்கு இலவசம்

by தமிழ்நெஞ்சம்

டிரெண்ட் மைக்ரோ இண்டெர்னெட் செக்யூரிடி மென்பொருளின் நம்பகமான உரிமத்துடன் கூடிய லைசன்சு கீ இலவசமாகக் கிடக்கிறது
இணையத்தில் உலாவும்போதும்,பணப்பரிமாற்று நடவடிக்கைகளை மேற்கொள்ளும்போதும் தீய பயன்பாடுகளில் இருந்து கணினியைப் பாதுகாக்கும் ஒரு பயன்பாடுதான் டிரெண்ட் மைக்ரோ இண்டெர்னெட் செக்யூரிடி.

இதன் லைசன்சு உரிமம் இலவசமாக இணையத்தில் கிடைத்தது.
ஒரு ஆண்டுக்கான பணம் கிட்டத்தட்ட 50$. மொத்தம் 3 ஆண்டுகளுக்கு 150$ கட்டினால் கிடைக்கக் கூடிய பாதுகாப்பு இலவசமாகக் கிடைப்பது என்பது ஒரு நம்பமுடியாத செயலாக இருந்தாலும், ஏற்கனவே நிறுவியிருந்த 15 நாள் டிரையல் வெர்சன் ஆன நார்ட்டனை கணினியிலிருந்து காலி செய்துவிட்டு, டிரெண்ட் மைக்ரோவை இணையிறக்கி நிறுவினேன்.

புதிய சாவியையும் கொடுத்தேன். சாவியை ஏற்றுக்கொண்டு புதிய வைரஸ் படிவங்களை அப்டேட்டும் செய்துவிட்டது. காலாவதிதேதியை செப்டம்பர் 29, 2011 என்று காட்டுகிறது. ஏற்கனவே கணினியில் இருந்த தொற்றுகளையும் நீக்கிவிட்டது.

விண்டோஸ் விஸ்ட்டா மற்றும் எக்ஸ்ப்பி இயங்குதளங்களுக்கு ஏற்புடையதாக உள்ளது.

இணையிறக்கச் சுட்டி : http://www.trendmicro.com/download/product.asp?productid=32

இதில் டிரெண்ட் மைக்ரோ இண்டெர்னெட் செக்யூரிட்டி 2008க்கான டவுன்லோட் லின்க்கை க்ளிக் செய்து தரவிறக்கம் செய்யவும். கணினியில் அதை இன்ஸ்டால் செய்யவும்.

பிறகு PFEP-9991-7436-4997-1545 சாவியைக் கொடுத்ததும், டிரெண்ட் மைக்ரோ தளத்துடன் இணைந்து சாவியை ஒப்பிட்டுப் பார்க்கிறது. நல்ல சாவிதான் எனக் கூறிவிட்டு புதிய வைரஸ் எதிர்ப்புப் படிவங்களை அப்டேட் செய்வதற்கு அனுமதியளித்து அப்டேட்டும் செய்கிறது.


இதை நான் கண்ட இடம் :
http://www.fatwallet.com/forums/hot-deals/875094/
http://www.sccoast.net/tools/internetsecurity/
http://www.sccoast.net/tools/internetsecurity/faq.php

இது போன்ற தொழில்நுட்பப் பதிவுகள் : ஆங்கிலத்தில்

இரக்கம்

by தவறு

துன்பம் கண்டு
துன்புற்று உதவி
செய்யும் எண்ணம் இரக்கம்.

இந்த மாத சிறந்த கட்டுரை - அக்டோபர் 2008

by IdlyVadai

இது புதிய பகுதி. பிடித்திருந்தால் அடுத்த மாதம் தொடர்கிறேன்.

மிருதங்க கலைஞர் உமையாள்புரம் K.சிவராமன் முன்பு ஆறாம்திணைக்கு அளித்த பேட்டியில் இவ்வாறு கூறியிருந்தார்.

மிருதங்க வாசிப்பாளராக மட்டுமல்லாமல், இந்தத் துறையில் புதிதாக ஏதேனும் ஆய்வுகள் செய்திருக்கிறீர்களா?

பதில்: ஆமாம் நிறையப் பண்ணியிருக்கிறேன். முந்தியெல்லாம் மிருதங்கத்தைச் சாதாரணமான துணி உறையில் வைத்துக் கட்டிக் கொண்டு போவார்கள். நான்தான் ரெக்ஸினில் வாட்டர் புரூஃப் உறைகளைப் பண்ணிக் கொடுத்தேன். அதைப் பண்ணிக் கொடுத்து 29 வருடங்கள் ஆகிவிட்டது. பைபர் கிளாஸில் மிருதங்கம் பண்ணினேன். சாதாரணமாக மிருதங்கம் பலா மரத்தில்தான் மிருதங்கம் பண்ணுவார்கள். சந்தன மரம் போன்ற பலவகை மரங்களில் பண்ண முடியும் என்றாலும், எல்லா காலங்களிலும் எளிதாகக் கிடைக்கக் கூடிய பலா மரத்தில்தான் பண்ணுவார்கள். இப்போதெல்லாம் நல்ல பலா மரங்கள் கிடைப்பதில்லை என்பதால் நான் பைபர் கிளாசில் அறிமுகப்படுத்தினேன். அப்புறம் மிருதங்கத்தில் மூட்டு அடிக்கும் போது பிழைகள் சுருதி சம்பந்தமாக ஏற்படும். அதைத் தவிர்ப்பதற்காக மெக்கானிக்கல் ஜிக் ஒன்றைப் பண்ணினேன். மிருதங்கத்துக்குப் பைபர்கிளாஸ் பாக்ஸ் பண்ணினேன்...

என்று கூறியுள்ளார்.

இந்த பதிலில் உமையாள்புரம் K.சிவராமன் தான் அதை செய்தாரா அல்லது ஏதோ ஒரு முகம் தெரியாத ஆசாரி அதை செய்தாரா ?
(ஷாஜகான் தாஜ் மஹாலை கட்டினாரா அல்லது கொத்தனாரா ? ராமர் பாலத்தை ராமர் கட்டினாரா? அல்லது குரங்குகள் காட்டியதா என்பது போல தான் இந்த கேள்விகளும்.)


இசைக்கருவிகளை செய்பவர்கள் (அல்லது அதை பழுது பார்ப்பவர்களை) பற்றி அதிகம் பத்திரிக்கைகளில் வருவதில்லை. கல்கியில் கும்பகோணம் ஸ்பெஷல், அமுதசுரபி சிறப்பு மலர், தீபாவளி மலர்களில் எப்பவாவது இது போல கட்டுரைகள் வரும்.

விதிவிலக்காக 'சேதுபதி அருணாசலம்' அவர்கள் அக்டோபர் மாதம் வார்த்தை இதழில் 'இசையைச் செதுக்கும் சிற்பிகள்' என்ற கட்டுரையை எழுதியுள்ளார். படித்தவற்றையும் தன் அனுபவத்தையும் கலந்து எழுதிய அருமையான கட்டுரை. கிடைத்தால் படித்துப்பாருங்கள்.

எங்க வீட்டுல எனக்கு பொண்ணு பாக்குறாங்க.. இந்த போட்டோ குடுக்கலாமா பாத்து சொல்லுங்க...

சரண்யா மோகன்...

நடிகைங்க படம் போடறதில்ல அப்பிடின்ற கட்டுப்பாடு கொஞ்சம் தளர்த்தப்பட்டது...

படத்த பாருங்க உங்களுக்கே புரியும்...

Vrroooom it!!!